Чин поховання дияконського

Послéдование мéртвенное над скончáвшимся диáконом.

После смерти кого-то из диаконов его не омывают обычным образом, но священнослужители крестообразно отирают губками, смоченными теплой водой и елеем, его лице, грудь и руки, облачают его в чистый подрясник, а затем во священные одежды, соответствующие его чину – стихарь, поручи и орарь. Если почивший был награжден камилавкой, то она также одевается на голову. В руки умершего влагается святой Крест и, по возможности, кадило, в котором находятся неразженные угли и ладан.

Предстоя́тель же твори́т начало: Благословéн Бог нaш:

И начинaют сопредстоя́щии: Святы́й Бóже: Пресвятaя Трóице: И Отче нaш: Яко Твоé éсть Цáрство:

И áбие пою́т тропари́ сия́, глaс 4:

Со дýхи прáведных скончáвшихся, дýшу рабá Твоегó Спáсе упокóй, сохраня́я ю́ во блажéнной жи́зни, я́же у Тебé, Человеколю́бче.

В покóищи Твоéм Гóсподи, идéже вси́ святи́и Твои́ упокоевáются, упокóй и дýшу рабá Твоегó, Яко Еди́н еси́ Человеколю́бец.

Слáва: Ты́ еси́ Бог сошéдый во áд, и ýзы оковáнных разреши́вый, Сaм и дýшу рабá Твоегó упокóй.

И ны́не: Еди́на Чи́стая и непорóчная Дéво, Бóга без сéмене Рóждшая, моли́ спасти́ся души́ егó.

Диáкон глагóлет:

Поми́луй нaс Бóже, по вели́цей ми́лости Твóeй, мóлим Ти ся, услы́ши и поми́луй.

Ли́к: Гóсподи поми́луй, три́жды.

Ещé мóлимся о упокоéнии души́ рабá Бóжия новопрестáвленнаго (архи-, прото-) диáкона имярéк, и о éже прости́тися емý вся́кому прегрешéнию, вóльному же и невóльному.

Ли́к: Гóсподи поми́луй, три́жды.

Яко да Госпóдь Бог прии́мет служéние егó и учини́т дýшу егó, идéже прáведнии упокоя́ются.

Ли́к: Гóсподи поми́луй, три́жды.

Ми́лости Бóжия, Цáрства небéснаго и оставлéния грехóв егó, у Христá безсмéртнаго Царя́ и Бóга нáшего прóсим.

Ли́к: Подáй Гóсподи.

Диáкон: Гóсподу помóлимся:

Ли́к: Гóсподи поми́луй.

Свящéнник глагóлет моли́тву сию́:

Бóже духóв, и вся́кия плóти, смeрть попрáвый и диáвола упраздни́вый, и живóт ми́ру Твоемý даровáвый: Сaм Гóсподи, упокóй дýшу рабá Твоегó новопрестáвленнаго (архи-, прото-) диáкона имярéк, в мéсте свéтле, в мéсте злáчне, в мéсте покóйне: отню́дуже отбежé болéзнь, печáль и воздыхáние. Вся́кое согрешéние, содéянное и́м слóвом, или́ дéлом, или́ помышлéнием, я́ко Блáгий Человеколю́бец Бог прости́, я́ко нéсть человéк, и́же жи́в бýдет, и не согреши́т: Ты́ бо Еди́н кромé грехá, прáвда Твоя́ прáвда во вéки, и слóво Твоé и́стина.

Возглáс: Яко Ты́ еси́ Воскресéние и Живóт, и Покóй рабá Твоегó новопрестáвленнаго (архи-, прото-) диáкона имярéк, Христé Бóже нaш, и Тебé слáву возсылáем, со безначáльным Твои́м Отцéм, и с пресвяты́м, и благи́м, и животворя́щим Твои́м Дýхом, ны́не и при́сно, и во вéки векóв.

Ли́к: Ами́нь.

Диáкон: Премýдрость.

Ли́к: Честнéйшую херуви́м: И прóчее.

И áбие бывáет от свящéнника сицевы́й отпýст:

Живы́ми и мéртвыми обладáяй Христóс и́стинный Бог нaш, моли́твами пречи́стыя Своея́ Мáтере, преподóбных и богонóсных отéц нáших, и всéх святы́х свои́х, дýшу от нaс новопрестáвленнаго рабá своегó (архи-, прото-) диáкона имярéк, в селéниих святы́х всели́т, и с прáведными причтéт, и нaс поми́лует, яко Блáг и Человеколю́бец.

Затем поставляют среди храма тело и священник говорит начальный возглас:

Благословéн Бог нaш:

И начинáем пéти: Святы́й Бóже: со стрáхом, и вся́ким умилéнием.

Таже псалом 90:

Живы́й в пóмощи Вы́шняго, в крóве Бóга небéснаго водвори́тся, речéт Гóсподеви: Застýпник мóй еси́ и прибéжище моé, Бог мóй, и уповáю на Негó. Яко Тóй избáвит тя́ от сéти лóвчи и от словесé мятéжна: плещмá Свои́ма осени́т тя́, и под крилé Егó надéешися: орýжием обы́дет тя́ и́стина Егó. Не убои́шися от стрáха нощнáго, от стрелы́ летя́щия во дни́, от вéщи во тмé преходя́щия, от сря́ща и бéса полýденнаго. Падéт от страны́ твоея́ ты́сяща, и тмá одеснyю тебé, к тебé же не прибли́жится: обaче очи́ма твои́ма смóтриши и воздая́ние грéшников ýзриши. Яко Ты́, Гóсподи, уповaние моé: Вы́шняго положи́л еси́ прибéжище твоé. Не прии́дет к тебé злó, и рáна не прибли́жится телеси́ твоемý: я́ко áнгелом Свои́м заповéсть о тебé, сохрани́ти тя́ во всéх путéх твои́х. На рукáх вóзмут тя́, да не когдá преткнéши о кáмень нóгу твою́: на áспида и васили́ска настýпиши, и поперéши львá и зми́я. Яко на Мя́ уповá, и избáвлю и́: покры́ю и́, я́ко познá и́мя Моé. Воззовéт ко Мнé, и услы́шу егó: с ни́м Éсмь в скóрби, измý егó и прослáвлю егó: долготóю дни́й испóлню егó и явлю́ емý спасéние Моé.

Посeм ектения́:

Ми́ром Гóсподу помóлимся.

Ли́к: Гóсподи, поми́луй.

О свы́шнем ми́ре, и о спасéнии дyш нáших, Гóсподу помóлимся.

О оставлéнии согрешéний, во блажéнней пáмяти престáвльшагося, Гóсподу помóлимся.

О новопрестáвленнем рабé Бóжием (архи-, прото-) диáконе, имярéк, покóя, тишины́, блажéнныя пáмяти егó, Гóсподу помóлимся.

О прости́ти емý вся́кое прегрешéние вóльное и невóльное, Гóсподу помóлимся.

О неосуждéнну предстáти у стрáшнаго престóла Гóспода слáвы, Гóсподу помóлимся.

О плáчущих и болéзнующих чáющих Христóва утешéния, Гóсподу помóлимся.

О отпусти́тися емý от вся́кия болéзни, печáли, и воздыхáния: и всели́ти егó идéже присещáет свéт лицá Бóжия, Гóсподу помóлимся.

О я́ко да Госпóдь Бог нaш учини́т дýшу егó в мéсте свéтле, в мéсте злáчне, в мéсте покóйне, идéже вси́ прáведнии пребывáют, Гóсподу помóлимся.

О причтéнии егó в нéдрех Авраáма, и Исаáка, и Иáкова, Гóсподу помóлимся.

О избáвитися нaм от вся́кия скóрби, гнéва и нýжды, Гóсподу помóлимся.

Заступи́, спаси́, поми́луй и сохрани́ нaс Бóже, Твоéю благодáтию.

Ми́лости Бóжия, Цáрства небéснаго, и оставлéния грехóв испроси́вше томý и сáми себé, дрyг дрýга, и вeсь живóт нaш Христý Бóгу предади́м.

Мы́ же речéм: Тебé Гóсподи.

Возглáс: Яко Ты́ еси́ Воскресéние, и Живóт, и Покóй рабá Твоегó новопрестáвленнаго (архи-, прото-) диáкона имярéк, Христé Бóже нaш: и Тебé слáву возсылáем со безначáльным Твои́м Отцéм, и пресвяты́м и благи́м и животворя́щим Твои́м Дýхом, ны́не и при́сно, и во вéки векóв.

Ли́к: Ами́нь.

Аллилýиа, глaс 8:

Глубинóю мýдрости человеколю́бно вся стрóяй, и полéзное всем подавáяй, Еди́не Содéтелю, упокóй, Гóсподи, дýши раб Твои́х, на Тя бо уповáние возложи́ша, Творцá и Зижди́теля и Бóга нáшего.

И посéм вы́шшим глáсом пою́т:

Благословéн еси́ Гóсподи, научи́ мя оправдáнием Твои́м.

И поéтся пéрвая статия́ непорóчных, во глaс 6:
в концé же коегóждо стихá поéм: Аллилýиа.

Блажéни непорóчнии в пyть, ходя́щии в закóне Госпóдни: Аллилýиа.

Блажéни испытáющии свидéния Егó, всéм сéрдцем взы́щут Егó. Аллилýиа.

И прóчее псалмá.

Слáва: Аллилýиа. И ны́не: Аллилýиа.

Диáкон: Пáки и пáки ми́ром Гóсподу помóлимся.

Ли́к: Гóсподи поми́луй.

Ещé мóлимся о упокоéнии души́ рабá Бóжия новопрестáвленнаго (архи-, прото-) диáкона имярéк, и о éже прости́тися емý вся́кому прегрешéнию, вóльному же и невóльному.

Ли́к: Гóсподи поми́луй.

Яко да Госпóдь Бог прии́мет служéние егó и учини́т дýшу егó, идéже прáведнии упокоя́ются.

Ли́к: Гóсподи поми́луй.

Ми́лости Бóжия, Цáрства небéснаго, и оставлéния грехóв егó, у Христá безсмéртнаго Царя́ и Бóга нáшего прóсим.

Ли́к: Подáй Гóсподи.

Диáкон: Гóсподу помóлимся.

Ли́к: Гóсподи поми́луй.

Свящéнник глагóлет моли́тву сию́: Бóже духóв, и вся́кия плóти, смeрть попрáвый и диáвола упраздни́вый, и живóт ми́ру Твоемý даровáвый: Сaм Гóсподи, упокóй дýшу рабá Твоегó новопрестáвленнаго (архи-, прото-) диáкона имярéк, в мéсте свéтле, в мéсте злáчне, в мéсте покóйне: отню́дуже отбежé болéзнь, печáль и воздыхáние. Вся́кое согрешéние, содéянное и́м слóвом, или́ дéлом, или́ помышлéнием, я́ко Блáгий Человеколю́бец Бог прости́, я́ко нéсть человéк, и́же жи́в бýдет, и не согреши́т: Ты́ бо Еди́н кромé грехá, прáвда Твоя́ прáвда во вéки, и слóво Твоé и́стина.

Возглáс: Яко Ты́ еси́ Воскресéние и Живóт, и Покóй рабá Твоегó новопрестáвленнаго (архи-, прото-) диáкона имярéк, Христé Бóже нaш, и Тебé слáву возсылáем, со безначáльным Твои́м Отцéм, и с пресвяты́м, и благи́м, и животворя́щим Твои́м Дýхом, ны́не и при́сно, и во вéки векóв.

Ли́к: Ами́нь.

И посéм начинáем вторýю статию́ на глáс 5: на кóемждо же концé стихá глагóлем:

Поми́луй рабá Твоегó.

Ли́к: Рýце Твои́ сотвори́сте мя́, и создaсте мя́, вразуми́ мя, и научýся зáповедем Твои́м. Поми́луй рабá Твоегó.

Боя́щиися тебé ýзрят мя́ и возвеселя́тся, яко на словесá твоя́ уповáх. Поми́луй рабá Твоегó.

И прóчее псалмá, и по концé,

Слáва: Поми́луй рабá Твоегó. И ны́не: Поми́луй рабá Твоегó.

Диáкон: Пáки и пáки ми́ром Гóсподу помóлимся.

Ли́к: Гóсподи поми́луй.

Ещé мóлимся о упокоéнии души́ рабá Бóжия новопрестáвленнаго (архи-, прото-) диáкона имярéк, и о éже прости́тися емý вся́кому прегрешéнию, вóльному же и невóльному.

Ли́к: Гóсподи поми́луй.

Яко да Госпóдь Бог прии́мет служéние его и учини́т дýшу егó, идéже прáведнии упокоя́ются.

Ли́к: Гóсподи поми́луй.

Ми́лости Бóжия, Цáрства небéснаго, и оставлéния грехóв егó, у Христá безсмéртнаго Царя́ и Бóга нáшего прóсим.

Ли́к: Подáй Гóсподи.

Диáкон: Гóсподу помóлимся.

Ли́к: Гóсподи поми́луй.

Свящéнник глагóлет моли́тву сию́: Бóже духóв, и вся́кия плóти:

Возглáс: Яко Ты́ еси́ Воскресéние:

И пáки начинáем трéтию статию́ на глáс трéтий.

Прпеваем к какждому стиху: Аллилýиа.

При́зри на мя́, и поми́луй мя́, по судý лю́бящих И́мя Твоé.

Стопы́ моя́ напрaви по словеси́ Твоемý, и да не обладáет мнóю вся́кое беззакóние: Аллилýиа. И прóчее псалма.

И по концé áбие:

Благословéн еси́ Гóсподи, научи́ мя оправдáнием Твои́м.

Святы́х ли́к обрéте истóчник жи́зни:

Благословéн еси́ Гóсподи, научи́ мя оправдáнием Твои́м.

Агнца Бóжия:

Благословéн еси́ Гóсподи, научи́ мя оправдáнием Твои́м.

Ли́ку диáконскому сопричты́й мя и служéнию áнгельскому равностоя́теля содéлавый, Милосéрдый Гóсподи, не отвéржи менé от Лицá Твоегó, Твой бо éсмь аз, и спаси́ мя.

Благословéн еси́ Гóсподи, научи́ мя оправдáнием Твои́м.

Освящéния Еди́ный Истóчниче, Многоми́лостиве Гóсподи Иисýсе, приими́ моли́тву мою́ и испрáви ю я́ко кади́ло пред Тобóю, Тебé бо Еди́ному послужи́х в житии́ моéм и уповáющее на ми́лость Твою́ зовý: твой есмь аз, спаси́ мя.

Благословéн еси́ Гóсподи, научи́ мя оправдáнием Твои́м.

Грехи́ и прегрешéния остáви ми, Многоми́лостиве, яко бо человéк согреши́х Ти, Ты же, яко Бог поми́луй мя, не простирáх бо рýце мои к бóгу чуждéму, но всем житиéм мои́м воспевáх при́сно вели́чие Твоé, тéмже ныне не отвéржи мене, Твóй бо есмь аз и спаси́ мя.

Благословéн еси́ Гóсподи, научи́ мя оправдáнием Твои́м.

Упокóй Бóже рабá Твоегó, и учини́ егó в раи́:

Слáва: Трисия́тельное еди́наго Божествá:

И ны́не: Рáдуйся Чи́стая:

Аллилýиа, аллилýиа, аллилýиа, слáва Тебé, Бóже три́жды.

Диáкон: Пáки и пáки ми́ром Гóсподу помóлимся.

Ли́к: Гóсподи поми́луй.

Ещé мóлимся о упокоéнии души́ рабá Бóжия новопрестáвленнаго (архи-, прото-) диáкона имярéк, и о éже прости́тися емý вся́кому прегрешéнию, вóльному же и невóльному.

Ли́к: Гóсподи поми́луй.

Яко да Госпóдь Бог прии́мет служéние егó и учини́т дýшу егó, идéже прáведнии упокоя́ются.

Ли́к: Гóсподи поми́луй.

Ми́лости Бóжия, Цáрства небéснаго и оставлéния грехóв егó, у Христá безсмéртнаго Царя́ и Бóга нáшего прóсим.

Ли́к: Подáй Гóсподи.

Диáкон: Гóсподу помóлимся:

Ли́к: Гóсподи поми́луй.

Свящéнник глагóлет моли́тву сию́:

Бóже духóв, и вся́кия плóти, смeрть попрáвый и диáвола упраздни́вый, и живóт ми́ру Твоемý даровáвый: Сaм Гóсподи, упокóй дýшу рабá Твоегó новопрестáвленнаго (архи-, прото-) диáкона имярéк, в мéсте свéтле, в мéсте злáчне, в мéсте покóйне: отню́дуже отбежé болéзнь, печáль и воздыхáние. Вся́кое согрешéние, содéянное и́м слóвом, или́ дéлом, или́ помышлéнием, я́ко Блáгий Человеколю́бец Бог прости́, я́ко нéсть человéк, и́же жи́в бýдет, и не согреши́т: Ты́ бо Еди́н кромé грехá, прáвда Твоя́ прáвда во вéки, и слóво Твоé и́стина.

Возглáс: Яко Ты́ еси́ Воскресéние и Живóт, и Покóй рабá Твоегó новопрестáвленнаго (архи-, прото-) диáкона имярéк, Христé Бóже нaш, и Тебé слáву возсылáем, со безначáльным Твои́м Отцéм, и с пресвяты́м, и благи́м, и животворя́щим Твои́м Дýхом, ны́не и при́сно, и во вéки векóв.

Ли́к: Ами́нь.

И по возглaсе поeм настоя́щыя тропари́, глaс 5:

Покóй Спáсе нaш с прáведными рабá Твоегó, и сегó всели́ во дворы́ Твоя́, я́коже éсть пи́сано, презирaя я́ко блáг прегрешéния егó, вóльная и невóльная, и вся́ я́же в вéдении и не в вéдении, Человеколю́бче.

Слáва, и ны́не, Богорóдичен: От Дéвы возсия́вый ми́ру Христé Бóже, сы́ны свéта Тóю показáвый, поми́луй нaс.

Тaже псалóм 50:

Поми́луй мя́ Бóже, по вели́цей ми́лости Твоeй, и по мнóжеству щедрóт Твои́х очи́сти беззакóние моé. Наипaче омы́й мя́ от беззакóния моегó, и от грехá моегó очи́сти мя́. Яко беззакóние моé áз знáю, и грéх мóй предо мнóю éсть вы́ну. Тебé еди́ному согреши́х, и лукaвое пред Тобóю сотвори́х: я́ко да оправди́шися во словесéх Твои́х, и победи́ши внегдá суди́ти Ти́. Сe бо в беззакóниих зачáт éсмь, и во гресéх роди́ мя мáти моя́. Сe бо и́стину возлюби́л еси́, безвéстная и тáйная премýдрости Твоея́ яви́л ми́ еси́. Окропи́ши мя́ иссóпом, и очи́щуся: омы́еши мя́ и пaче снéга убелю́ся. Слýху моемý дáси рáдость и весéлие, возрáдуются кóсти смирéнныя. Отврати́ лицé Твоé от грéх мои́х, и вся́ беззакóния моя́ очи́сти. Сeрдце чи́сто сози́жди во мнé Бóже, и дyх прaв обнови́ во утрóбе моéй. Не отвéржи менé от лицá Твоегó, и Дýха Твоегó Святáго не отыми́ от менé. Воздáждь ми́ рáдость спасéния Твоегó, и Дýхом влады́чним утверди́ мя. Научý беззакóнныя путéм Твои́м, и нечести́вии к Тебé обратя́тся. Избáви мя́ от кровéй Бóже, Бóже спасéния моегó, возрáдуется язы́к мóй прáвде Твоéй. Гóсподи, устнé мои́ отвéрзеши, и устá моя́ возвестя́т хвалý Твою́. Яко áще бы восхотéл еси́ жéртвы, дaл бы́х ýбо: всесожжéния не благоволи́ши. Жéртва Бóгу дyх сокрушéн: сéрдце сокрушéнно и смирéнно Бог не уничижи́т. Ублажи́ Гóсподи благоволéнием Твои́м Сиóна, и да сози́ждутся стéны Иерусали́мския. Тогдá благоволи́ши жéртву прáвды, возношéние и всесожегáемая: тогдá возложáт на олтáрь Твóй тельцы́.

После этого поем канон, глас 6-й
Егоже краегранесие: Благочестно надгробную песнь пою днесь

Песнь 1

Ирмос: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

Слава Тебе Боже наш, слава Тебе

Благодарим Тя, Спаса всех Бога, ныне Призывающаго раба Своего к жизни нестареющейся и вечному блаженству, нас же собравшихся зде надгробную песнь воспети сподоби.

Упокой Господи душу усопшаго раба Твоего

Лежит во гробе тело бездыханно, егоже, Ты Господи, исткал еси во чреве матери его, духом наполнив, душу дав живую, тем же молим Тя, Милосерде, приими с миром дух создания Твоего, и в селениих праведных упокой.

Слава: Адам – первый человек, советом Святыя и Нераздельныя Троицы от земли сотворен быв, мы же воспоминающе таинство сие вопием: Отче, Сыне и Душе Святый, не презри в час сей создание Твое.

И ныне: Господа и Творца всех родила еси, Богоотроковице, Его же, матернее дерзновение употребляющи, умоли преставленному от жизни земныя и трудов временных дати в жизни вечной упокоение.

Песнь 3

Ирмос: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.

Слава Тебе Боже наш, слава Тебе

О, како возможем по достоянию воспети вся благодеяния Твоя, Господи, являемая нам в жизни сей! Ныне же взирающе на дело рук Твоих, смиренно глаголем: душу, от нас преставльшуюся к Тебе, упокой.

Упокой Господи душу усопшаго раба Твоего

Человек, яко трава дние eго, яко цвет полевый, тако оцветет, глаголет божественный Давид, мы же уповающе на Тя, усердно просим: даруй усопшему вечныя жизни наследие.

Слава: Единославная, Единосущная и Неразделимая Троице, услыши молитвы наша приносимыя Тебе и лица Твоего Святаго от преставльшагося к Тебе не отврати.

И ныне: Святая Владычице мира, Упование наше и Надеждо, христиан всех Похвало и радование, принеси молитвы и слезы наша к Богу, да помилует и спасет раба Своего.

Диáкон: Пáки и пáки ми́ром Гóсподу помóлимся.

Ли́к: Гóсподи поми́луй.

Ещé мóлимся о упокоéнии души́ рабá Бóжия новопрестáвленнаго (архи-, прото-) диáкона имярéк, и о éже прости́тися емý вся́кому прегрешéнию, вóльному же и невóльному.

Ли́к: Гóсподи поми́луй.

Яко да Госпóдь Бог прии́мет служéние егó и учини́т дýшу егó, идéже прáведнии упокоя́ются.

Ли́к: Гóсподи поми́луй.

Ми́лости Бóжия, Цáрства небéснаго и оставлéния грехóв егó, у Христá безсмéртнаго Царя́ и Бóга нáшего прóсим.

Ли́к: Подáй Гóсподи.

Диáкон: Гóсподу помóлимся:

Ли́к: Гóсподи поми́луй.

Свящéнник глагóлет моли́тву сию́:

Бóже духóв, и вся́кия плóти, смeрть попрáвый и диáвола упраздни́вый, и живóт ми́ру Твоемý даровáвый: Сaм Гóсподи, упокóй дýшу рабá Твоегó новопрестáвленнаго (архи-, прото-) диáкона имярéк, в мéсте свéтле, в мéсте злáчне, в мéсте покóйне: отню́дуже отбежé болéзнь, печáль и воздыхáние. Вся́кое согрешéние, содéянное и́м слóвом, или́ дéлом, или́ помышлéнием, я́ко Блáгий Человеколю́бец Бог прости́, я́ко нéсть человéк, и́же жи́в бýдет, и не согреши́т: Ты́ бо Еди́н кромé грехá, прáвда Твоя́ прáвда во вéки, и слóво Твоé и́стина.

Возглáс: Яко Ты́ еси́ Воскресéние и Живóт, и Покóй рабá Твоегó новопрестáвленнаго (архи-, прото-) диáкона имярéк, Христé Бóже нaш, и Тебé слáву возсылáем, со безначáльным Твои́м Отцéм, и с пресвяты́м, и благи́м, и животворя́щим Твои́м Дýхом, ны́не и при́сно, и во вéки векóв.

Ли́к: Ами́нь.

Седáлен, глaс 6:

Вои́стинну суетá вся́ческая, житиé же сéнь, и сóние: и́бо всyе мятéтся вся́к земнорóдный, я́коже речé Писáние: егдá мир приобря́щем, тогдá во грóб всели́мся, идéже вкýпе цáрие и ни́щии. Тéмже Христé Бóже, престáвльшагося рабá Твоегó упокóй, яко Человеколю́бец.

Слaва, и ны́не, Богорóдичен: Всесвятáя Богорóдице, во врéмя животá моегó не остáви менé, человéческому предстáтельству не ввéри мя́: но Самá заступи́, и поми́луй мя́.

Песнь 4

Ирмос: Христос моя сила, Бог и Господь, честная Церковь боголепно поет, взывающи от смысла чиста, о Господе празднующи.

Слава Тебе Боже наш, слава Тебе

Ты Христе, Сыне Бога Живаго, в мир пришел еси, пострадав плотию и воскрес из мертвых. Мы же, славяще Тя воскресшаго, просим: сладкого причастия жизни вечныя Твоего раба сего сподоби.

Упокой Господи душу усопшаго раба Твоего

Немощь естества нашего восприим, Владыко Царю, восшед к Богу Отцу, плоть нашу обожив и на престоле спосадив. Ныне преставленного Царствия Твоего сподоби.

Слава: О, Троице Святая, Простая и Нераздельная, славяще Державу твою, молимся благочестно: со всеми святыми новопреставленного упокой.

И ныне: Не вемы, Владычице, иныя помощи разве Тебе, всех христиан Надеждо и Утешение, тем же молимся прилежно Ти, помози спастися новопреставленному рабу Сына твоего.

Песнь 5

Ирмос: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.

Слава Тебе Боже наш, слава Тебе

Ад страшен и муки вечныя ужасни, но не к сему призвал еси Твое создание, Человеколюбче, в час же сей смиренно просим: избави душу новопреставленную от ада преисподнейшаго.

Упокой Господи душу усопшаго раба Твоего

Даже до Креста и погребения снизшедый нас ради человеков, смирив Себе, Милосерде Господи, хотяще всем спастися и житие вечное даровати, прииди ныне и Крестом Твоим путь в рай сотвори новопреставленному.

Слава: Господоначальная, Богоначальная и Нераздельная Троице, Едина Державо и Царство, со страхом предстояще гробу сему, просим: не погуби, но пощади по образу Твоему созданную красоту.

И ныне: Радуйся Владычице, яко Тебе ради ад стенет и дуси злобы трепещут, но мы грешнии, на Твою помощь надеющеся, просим, не даждь аду поглотити преставльшагося.

Песнь 6

Ирмос: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Слава Тебе Боже наш, слава Тебе

Обновив естество человеческое воскресением Своим, Спасе, во гробе положился еси яко человек смертен, сию же душу, разлученную от тела своего, во время оно в воскресение жизни паки совокупи.

Упокой Господи душу усопшаго раба Твоего

Боже, Вечный, Милосердный, всея твари Содетелю, образ Своего погребения и восстания, во чреве китове Иону пророка нам показавый, возведи от тли жизнь новопреставленнаго раба Твоего.

Слава: Наше дерзновение ныне приими, Троице Святая, милосердия Преисполненная, и душу, с телом разлученную, муки вечныя избави и жизни нетленныя во Царствии Твоем сподоби.

И ныне: Увы нам, унывающим и горько плачущим о душе умершаго, не вемы бо, камо идет, но Ты, Владычице, Жизнь Рождшая, утоли скорбь нашу, к райскому блаженству и жизни вечней душу новопреставленную приведи.

Диáкон: Пáки и пáки ми́ром Гóсподу помóлимся.

Ли́к: Гóсподи поми́луй.

Ещé мóлимся о упокоéнии души́ рабá Бóжия новопрестáвленнаго (архи-, прото-) диáкона имярéк, и о éже прости́тися емý вся́кому прегрешéнию, вóльному же и невóльному.

Ли́к: Гóсподи поми́луй.

Яко да Госпóдь Бог прии́мет служéние егó и учини́т дýшу егó, идéже прáведнии упокоя́ются.

Ли́к: Гóсподи поми́луй.

Ми́лости Бóжия, Цáрства небéснаго и оставлéния грехóв егó, у Христá безсмéртнаго Царя́ и Бóга нáшего прóсим.

Ли́к: Подáй Гóсподи.

Диáкон: Гóсподу помóлимся:

Ли́к: Гóсподи поми́луй.

Свящéнник глагóлет моли́тву сию́:

Бóже духóв, и вся́кия плóти, смeрть попрáвый и диáвола упраздни́вый, и живóт ми́ру Твоемý даровáвый: Сaм Гóсподи, упокóй дýшу рабá Твоегó новопрестáвленнаго (архи-, прото-) диáкона имярéк, в мéсте свéтле, в мéсте злáчне, в мéсте покóйне: отню́дуже отбежé болéзнь, печáль и воздыхáние. Вся́кое согрешéние, содéянное и́м слóвом, или́ дéлом, или́ помышлéнием, я́ко Блáгий Человеколю́бец Бог прости́, я́ко нéсть человéк, и́же жи́в бýдет, и не согреши́т: Ты́ бо Еди́н кромé грехá, прáвда Твоя́ прáвда во вéки, и слóво Твоé и́стина.

Возглáс: Яко Ты́ еси́ Воскресéние и Живóт, и Покóй рабá Твоегó новопрестáвленнаго (архи-, прото-) диáкона имярéк, Христé Бóже нaш, и Тебé слáву возсылáем, со безначáльным Твои́м Отцéм, и с пресвяты́м, и благи́м, и животворя́щим Твои́м Дýхом, ны́не и при́сно, и во вéки векóв.

Ли́к: Ами́нь.

Кондáк, глáс 8:

Со святы́ми упокóй Христé, дýшу рабá Твоегó, идéже нéсть болéзнь, ни печáль, ни воздыхáние, но жи́знь безконéчная.

Икос: Сáм Еди́н еси́ безсмéртный, сотвори́вый и создáвый человéка: земни́и ýбо от земли́ создáхомся, и в зéмлю тýюжде пóйдем, Якоже повелéл еси́, Создaвый мя́ и реки́й ми́: яко земля́ еси́, и в зeмлю оти́деши, áможе вси́ человéцы пóйдем, надгрóбное рыдáние, творя́ще пéснь: Аллилýиа.

И пáки кондáк, глáс 8: Со святы́ми упокóй Христé, дýшу рабá Твоегó, идéже нéсть болéзнь, ни печáль, ни воздыхáние, но жи́знь безконéчная.

Песнь 7

Ирмос: Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.

Слава Тебе Боже наш, слава Тебе

Юзницу греха соделала себе душе, окаянная, ныне же предстоиши Творцу Своему и Владыце безмолвна со страхом и трепетом, но мы купно с тобою Милосерднаго Бога просим: преложи от уз греховных, Милостиве, и разрешение подаждь молитвами святых Твоих.

Упокой Господи душу усопшаго раба Твоего

Плотию уснув яко человек смертен, Спасе, во гробе положился еси яко Мертв, и вся силы небесныя дивляхуся тайне сей, но Ты, жизни и смерти Владыко, молитвами святых ангел и архангел, и всех святых, новопреставленнаго не предаждь горести адской, но вечнаго и сладкаго света Воскресения сподоби.

Слава: Еже свет Божественный Трисолнечный Триипостасный, озари нас верою Тебе ныне взывающих: Троице Святая спаси нас и душу от нас отшедшую мрака вечнаго избави и светлейших Твоих селений милостивно сподоби.

И ныне: Созданное человеческое естество приим во утробе Твоей, Богородице Приснодево, Христос Бог, Несозданный естеством, сего ради со слезами Тя просим: умоли Сына Твоего, Владычице, пощадити сие созданное естество и вечное упокоение даровати новопреставленному.

Песнь 8

Ирмос: Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.

Слава Тебе Боже наш, слава Тебе

Наста час разлучения, не вемы, Владыко, камо грядет Твое создание, мы же помышляя час смертный, просим: человеколюбия ради Твоего, раба сего от грехов очисти и доброты умныя Твоея насладитися сподоби.

Упокой Господи душу усопшаго раба Твоего

Плач священный придите, вернии, ныне воспоим умершему, грядет бо душа новопреставленная к Богу, Уготовляющему созданию Своему место блаженнаго упокоения.

Слава: Отче, Сыне, и Душе Святый, Троице Святая, призри на нас покланяющихся державе Твоей, приими молитвы и слезы наша, душе же, преставленной к Тебе, утешение даруй и жизни вечныя сподоби.

И ныне: Юже честнейшую Херувимов и славнейшую Серафимов вся воинства небесная славят, и непрестанными гласы восхваляют, ихже молитвами, Владычице, призри благосердием Своим и спаси от ада душу усопшаго раба Твоего.

Песнь 9

Ирмос: Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово Воплощенно, Егоже величающе, с небесными вои Тя ублажаем.

Слава Тебе Боже наш, слава Тебе

Днесь таинство великое и страшное зрим: душа от тела разлучается, к Творцу своему с плачем отходит, тело же во гробе полагается и земли предается покрываемо, мы же таинству сему дивящееся, благодарение Тебе Человеколюбче приносим.

Упокой Господи душу усопшаго раба Твоего

Начало и конец вселенныя Ты еси, Владыка, вся содержиши в руце Своей, вся бо можеши яко Всемогий. Сего ради просим: сего раба, егоже приял еси, в раи с Собою жити сотвори.

Слава: Егда прииде час Суда страшнаго и великаго, Троице Святая, помилуй мир и создание Твое сие избави от муки вечныя, и жизни вечныя во Царствии Твоем сподоби раба Твоего.

И ныне: Славно чтим Тя Заступницу рода христианскаго, Владычице мира, отри слезы наша, утоли скорбь, утешение нам даруй и сию надгробную песнь Владыке и Господу Нашему принеси яко Милостивая и Благая и душу новопреставленную во страну живых скоро приведи.

Диáкон: Пáки и пáки ми́ром Гóсподу помóлимся.

Ли́к: Гóсподи поми́луй.

Ещé мóлимся о упокоéнии души́ рабá Бóжия новопрестáвленнаго (архи-, прото-) диáкона имярéк, и о éже прости́тися емý вся́кому прегрешéнию, вóльному же и невóльному.

Ли́к: Гóсподи поми́луй.

Яко да Госпóдь Бог прии́мет служéние егó и учини́т дýшу егó, идéже прáведнии упокоя́ются.

Ли́к: Гóсподи поми́луй.

Ми́лости Бóжия, Цáрства небéснаго и оставлéния грехóв егó, у Христá безсмéртнаго Царя́ и Бóга нáшего прóсим.

Ли́к: Подáй Гóсподи.

Диáкон: Гóсподу помóлимся:

Ли́к: Гóсподи поми́луй.

Свящéнник глагóлет моли́тву сию́:

Бóже духóв, и вся́кия плóти, смeрть попрáвый и диáвола упраздни́вый, и живóт ми́ру Твоемý даровáвый: Сaм Гóсподи, упокóй дýшу рабá Твоегó новопрестáвленнаго (архи-, прото-) диáкона имярéк, в мéсте свéтле, в мéсте злáчне, в мéсте покóйне: отню́дуже отбежé болéзнь, печáль и воздыхáние. Вся́кое согрешéние, содéянное и́м слóвом, или́ дéлом, или́ помышлéнием, я́ко Блáгий Человеколю́бец Бог прости́, я́ко нéсть человéк, и́же жи́в бýдет, и не согреши́т: Ты́ бо Еди́н кромé грехá, прáвда Твоя́ прáвда во вéки, и слóво Твоé и́стина.

Возглáс: Яко Ты́ еси́ Воскресéние и Живóт, и Покóй рабá Твоегó новопрестáвленнаго (архи-, прото-) диáкона имярéк, Христé Бóже нaш, и Тебé слáву возсылáем, со безначáльным Твои́м Отцéм, и с пресвяты́м, и благи́м, и животворя́щим Твои́м Дýхом, ны́не и при́сно, и во вéки векóв.

Ли́к: Ами́нь.

Ексапостилáрий: Ны́не упокóихся, и обретóх ослaбу мнóгу, я́ко престáвихся от истлéния, и преложи́хся к животý: Гóсподи слáва Тебé.

Тáже, Слáва, и ны́не: Ны́не избрáх Богомáтерь Отрокови́цу, я́ко роди́ся и́з Нея́ Христóс Избáвитель всéх: Гóсподи слáва Тебé.

Начинaем самоглaсны:

Глaс 1: Кaя житéйская слáдость пребывáет печáли непричáстна; кaя ли слáва стои́т на земли́ непрелóжна; вся́ сéни немощнéйша, вся́ сóний прелéстнейша: еди́нем мгновéнием, и вся́ сия́ смéрть приéмлет. Но во свéте Христé лицá Твоегó, и в наслаждéнии Твоея́ красоты́, егóже избрáл еси́, упокóй, я́ко Человеколю́бец.

Глaс 2: Прии́де врéмя отшéствия моегó и земны́х вся́ческих ны́не разлучáюся, Ты же, Гóсподи Сердцевéдче, к небéсным приходя́ща приими́ ми́лостию Твоéю и Цáрствия Твоегó вратá отвéрзи, да при́сно со áнгели и всéми святы́ми слáву Твою́ пéти сподóблюся.

Глaс 3: Стефáна архидиáкона постáвивый на служéние тáинственное и с ним ины́я диáконы призвáвый, Всеми́лостиве Гóсподи, приими́ ны́не дýшу престáвльшагося рабá Твоегó. Сей бо, ли́ку служи́телей Твои́х сопричтéнный, ны́не предстои́т стрáшному престóлу Твоемý. Тéмже, Благоутрóбне, помяни́ ми́лость Твою́ и Цáрствия Твоегó престáвленнаго ны́не сподóби.

Глaс 4: Возноси́вый моли́твы и молéния людéй Твои́х, ны́не, Гóсподи, безмóлвен лежи́т посредé цéркве, идéже Трóицы слáву воспевáти стрáшным Тáйнам Тéла и Крóви Твоея́ служи́ти постáвлен бы́сть. Но, приими́, Многоми́лостиве служéние сегó и Цáрствия Твоегó сподóби новопрестáвленнаго я́ко Благоутрóбен.

Глaс 5: Цéркве Основáтелю Божéственный и Архиерéю грядýщих благ, Влады́ко Гóсподи Иисýсе, егóже призвáл к служéнию диáконскому и Ввéривый Тáйны Твоя́ всепречи́стыя, приими́ ны́не от земны́х к небéсным преходя́ща и вся́кая его прегрешéния прости́, Еди́не Многоми́лостиве и Благоутрóбне.

Глaс 6: Равноáнгельное служéние ввéривый рабý Твоемý, приими́ ны́не сегó, Благоувéтливе Гóсподи, и áнгельским си́лам равностоя́теля содéлай, сей бо от земли́ восходя́ в селéния гóрняя, нáми ны́не Тебé вопиéт: поми́луй мя Бóже по вели́цей Твоéй ми́лости.

Глaс 7: Твой éсмь аз, спаси́ мя, я́ко возлюби́х дворы́ дóму Твоегó, и мéсто селéния святы́ни Твоея́, помяни́, Гóсподи, щедрóты Твоя́, помяни́ и смирéние моé, и прости́в вся́кое согрешéние, вратá Цáрствия Твоегó отвéрзи ми, и введи́ в селéния рáйския, да кýпно со всéми святы́ми воспевáти возмогý вéлию ми́лость Твою́, Еди́не Благоутрóбне и Многоми́лостиве.

Глaс 8: Плáчу и рыдáю, егдá помышля́ю смeрть, и ви́жду во гробéх лежáщую, по óбразу Бóжию создáнную нáшу красотý, безобрáзну, безслáвну, не имýщую ви́да. О чудесé! Чтó сиé éже о нaс бы́сть тáинство; кáко предáхомся тлéнию; кáко сопрягóхомся смéрти; вои́стинну Бóга повелéнием, я́коже пи́сано éсть, подаю́щаго престáвльшемуся упокоéние.

Блажéнна, глaс 6.

Во Цáрствии Твоéм помяни́ нaс, Гóсподи, егдá прии́деши во Цáрствии Твоéм.

Блажéни ни́щии Дýхом, яко тéх éсть Цáрство Небéсное.

Блажéни плáчущии, я́ко ти́и утéшатся.

Блажéни крóтцыи, я́ко ти́и наслéдят зéмлю.

Блажéни áлчущии, и жáждущии прáвды, я́ко ти́и насы́тятся.

Блажéни ми́лостивии, я́ко ти́и поми́ловани бýдут.

Разбóйника рая́ Христé жи́теля, на Крестé Тебé возопи́вша, помяни́ мя, предсодéял еси́ покая́нием егó, и менé сподóби недостóйнаго.

Блажéни чи́стии сéрдцем, я́ко ти́и Бóга ýзрят.

Животóм Госпóдствуяй и смéртию, во двóрех святы́х упокóй, егóже прия́л еси́ от приврéменных: и помяни́ мя, егдá прии́деши во Цáрствии Твоéм.

Блажéни миротвóрцы, я́ко ти́и сы́нове Бóжии нарекýтся.

Душáми влады́чествуяй и телесáми, егóже в руцé дыхáние нáше, оскорбля́емых утешéние, упокóй во странé прáведных, егóже призвáл еси́ во служéние Тáин Твои́х.

Блажéни изгнáни прáвды рáди, я́ко тéх éсть Цáрство Небéсное.

Христóс тя́ упокóит во странé живýщих, и вратá рáйская да отвéрзет ти́, и Цáрствия покáжет жи́теля, служи́телю благи́й и вéрный.

Блажéни естé, егдá понóсят вaм, и изженýт, и рекýт вся́к зóл глагóл, на вы́ лжýще Менé рáди.

Изы́дем и ýзрим во гробéх, яко нáги кóсти человéк, червéй снéдь, и смрaд, и познáем чтó богáтство, добрóта, крéпость, благолéпие;

Рáдуйтеся и весели́теся, я́ко мздá вáша мнóга на небесéх.

Услы́шим, чтó зовéт Вседержи́тель: увы́ и́щущым зрéти стрáшный дéнь Госпóдень! Сeй бо éсть тьмá: огнéм бо искушáются вся́ческая.

Слáва: Безначáльным и рождéнием же и происхождéнием, Отцý покланя́юся роди́вшему, Сы́на слáвлю рождéннаго, пою́ сопросия́вшаго Отцý же и Сы́ну, Дýха Святáго.

И ны́не, Богорóдичен: Кáко от сосцý твоéю млекó тóчиши Дéво, кáко питáеши Питáтеля твáри; я́коже вéсть, источи́вый вóду от кáмене, жи́лы водны́я жáждущым лю́дем, я́коже писáся.

Посéм диáкон глагóлет: Вóнмем.

Свящéнник: Ми́р всéм.

Чтéц: И дýхови твоемý.

Диáкон: Премýдрость.

Проки́мен, глaс 6: Вложи́ во устá моя́ песнь нóву, пéние Бóгу нáшему.

Стих: Благовести́х прáвду в цéркви вели́цей, се устнáм мои́м не возбраню́.

Диáкон: Премýдрость.

Чтец: К солýняном послáния святáго Апócтола Пáвла чтéние.

Диáкон: Вóнмем.

Апóстол к солyняном, зачáло 270.

Брáтие, не хощý вaс невéдети о умéрших, да не скорбитé, я́коже и прóчии не и́мyщии уповaния. Áще бо вéруем, я́ко Иисус ýмре и воскрéсе, тáко и Бог умéршыя о Иисýсе, приведéт с ни́м. Сиe бо вaм глагóлем слóвом Гóсподним, я́ко мы́ живýщии остáвшии в пришéствие Госпóдне, не и́мамы предвари́ти умéрших. Яко Сaм Госпóдь в повелéнии во глáсе Архáнгелове, и в трубé Бóжии сни́дет с небесé, и мéртвии о Христé воскрéснут пéрвее. Потóм же мы́ живýщии остáвшии, кýпно с ни́ми восхищéни бýдем на óблацех, в срéтение Госпóдне на воздýсе, и тáко всегдá с Гóсподем бyдем.

Свящéнник: Ми́р ти́.

Чтец: И дyхови твоемý.

Аллилyиа, глaс 6:

Блажéн, егóже избрáл и прия́л еси́, Гóсподи.

Ты же, Гóсподи, не удали́ щедрóт Твои́х от менé.

Диaкон: Премyдрость, прóсти услы́шим святaго Евáнгелиа.

Свящéнник: Ми́р всéм.

Ли́к: И дyхови твоемý.

Свящéнник: От Иоáнна святaго Евáнгелиа чтeние.

Ли́к: Слáва Тебé, Гóсподи, слaва Тебé.

Диaкон: Вóнмем.

Евáнгелие от Иоaнна, зачaло 16.

Речé Госпóдь: ами́нь ами́нь глагóлю вaм, я́ко слýшаяй словесé моегó и вéруяй послaвшему мя́, и́мать живóт вéчный, и на сyд не прии́дет: но прeйдет от смeрти в живóт. Ами́нь ами́нь глагóлю вaм: я́ко грядéт чaс, и ны́не éсть, егдá мéртвии услы́шат глaс Сы́на Бóжия, и услы́шавше оживýт. Якоже бо Отéц и́мать живóт в себé, тáко дaст и Сынови живóт имéти в себé: и óбласть дaст емý и сyд твори́ти, яко Сын человéчь éсть, не диви́теся семý. Яко грядéт чaс вóньже вси́ сýщии во гробéх услы́шат глaс Сына Бóжия: и изы́дут сотвóршии благáя в воскрешéние животá, а сотвóршии злáя в воскрешéние судá. Не могý áз о себé твори́ти ничесóже. Якоже слы́шу, суждý: и сyд мóй прáведен éсть: я́ко не ищý вóли моея́, но вóли послáвшаго мя́ Отцá.

Ли́к: Слáва Тебé, Гóсподи, слaва Тебé.

Áбие моли́тву прощáльную велеглáсно:

Госпóдь Иисýс Христóс Бог нaш, и́же Божéственная зáповеди святы́м свои́м ученикóм и Апоcтолом дáвый, во éже вязáти и реши́ти пáдших грехи́, и от óных пaки мы́ приeмше вины́ тóйже твори́ти: да прости́т тебé, брáте и сослужи́телю, áще чтó содéлал еси́ в ны́нешнем вéце вóльное или́ невóльное, ны́не и при́сно, и во вéки векóв, Ами́нь.

После возгласа присутствующие при погребении прощаются с умершим, в это время поются настоя́щыя стихи́ры, глaс 2: Подобен: Егдá от дрeва:

Прииди́те, послéднее целовaние дади́м брaтие умeршему, благодаря́ще Бога: сeй бо оскудé от срóдства своегó, и ко грóбу тщи́тся не ктомý пекийся о сyетных, и о многострaстной плóти. Гдé ны́не срóдницы же и дрyзи; сé разлучaемся. Егóже упокóити, Гóсподу помóлимся.

Кóе разлучeние, о брaтие! Кий плaчь; кóе рыдaние в настоя́щем часé; прииди́те ýбо целyйте бы́вшаго вмaле с нaми: предаeтся бо грóбу. Кaменем покрывaется, во тьмý вселя́ется, с мeртвыми погребaется, и всéх срóдников и другóв ны́не разлучaется: егóже упокóити, Гóсподу помóлимся.

Ны́не житeйское лукaвое разрушaется торжествó суеты́: Дýх бо оскудé от селeния, брeние очерни́ся, сосyд раздрaся, безглaсен, нечyствен, мeртвен, недви́жимь. Егóже посылaюще грóбу, Гóсподу помóлимся, дaти семý во вéки упокоeние.

Якóв живóт нaш éсть; цвéт, и ды́м, и росá ýтренняя вои́стинну. Прииди́те ýбо, ýзрим на гробéх я́сно, гдé добрóта телeсная; гдé ю́ность; гдé сyть очесá, и зрaк плотский: вся́ увядóша яко травá, вся́ потреби́шася. Прииди́те ко Христý припадeм со слезaми.

Вéлий плaчь и рыдáние, вéлие воздыхáние, и нýжда, разлучéние души́, áд и поги́бель, приврéменный живóт, сéнь непостоя́нная, сóн прелéстный: безвременномечтáнен трyд жития́ земнáго. Далéче отбежи́м мирскáго вся́каго грехá, да небéсная наслéдим.

Ви́дяще предлежáща мéртва, óбраз восприи́мем вси́ конéчнаго часá: сeй бо отхóдит я́ко ды́м от земли́, я́ко цвéт отцветé, я́ко травá посечéся, врéтищем повивáемь, землéю покрывáемь. Егóже неви́дима остáвивше, Христý помóлимся, дáти семý во вéки упокоéние.

Прииди́те внýцы Адáмовы, уви́дим на земли́ повéрженнаго, по óбразу нáшему всé благолéпие отлагáюща, разрýшeна во грóбе гнóем, червьми́, тьмóю иждивáема, землéю покрывáема. Егóже неви́дима остáвльше, Христý помóлимся, дáти во вéки семý упокоéние.

Егдá душá от тéла и́мать нýждею восхи́титися стрáшными áнгелы, всéх забывáет срóдников и знáемых, и печéтся о бýдущих суди́лищей стоя́нии, я́же суеты́, и многотрýдныя плóти разрешéнии: тогдá судию́ моля́ще, вси́ помóлимся, да прости́т Госпóдь, я́же содéла.

Прииди́те брáтие, во грóбе ýзрим пéпел и пéрсть, и́з нея́же создáхомся. Кáмо ны́не и́дем; чтó же бы́хом, кий убóг или́ богáт; или́ кий влады́ка; кий же свобóдь; и не вси́ ли пéпел; добрóта лицá согни́, и ю́ности вeсь цвéт увяди́ смeрть.

Вои́стинну суетá и тлéние, вся́ житéйская, ви́ды, и безслáвная: вси́ бо исчезáем, вси́ ýмрем, цáрие же и кня́зи, судии́ и наси́льницы, богáтии и убóзии, и всé естествó человéческое: ны́не бо, иже иногдá в житии́, во грóбы вергaются, и́хже да упокóит Госпóдь, помóлимся.

Вси́ телéснии ны́не óргaны прáздни зря́тся, иже прéжде мáла дви́жими бя́ху, вси́ недействи́тельни, мéртви, нечýвственни: óчи бо заидóша, связáстеся нóзе, рyце безмóлвствуете, и слýх с ни́ми: язы́к молчáнием заключи́ся, грóбу предаéтся. Вои́стинну суетá вся́ человéческая.

Спасáй надéющыяся на Тя́, Мáти незаходи́маго Сóлнца Богороди́тельнице: умоли́ моли́твами Твои́ми преблагáго Бога, упокóити, мóлимся, ны́не престáвльшагося, идéже упокоевáются прáведных дýси: Божéственных блáг наслéдника покажи́, во двóрех прáведных, в пáмять, Всенепорóчная, вéчную.

Слaва, глaс 6:

Зря́ще мя́ безглáсна, и бездыхáнна предлежáща, восплáчите о мнé брáтие и дрýзи, срóдницы и знáемии: вчерáшний бо дeнь бесéдовах с вáми, и внезáпу нáйде на мя́ стрáшный чaс смéртный: но прииди́те вси́ лю́бящии мя́, и целyйте мя́ послéдним целовaнием: не ктомy бо с вaми похождý, или́ собесéдую прóчее. К Судии́ бо отхождý, идéже нéсть лицеприя́тия: рaб бо и влады́ка вкyпе предстоя́т, цaрь и вóин, богáтый и убóгий в рáвнем достóинстве: ки́йждо бо от свои́х дéл, или́ прослáвится, или́ постыди́тся. Но прошý всéх и молю́, непрестáнно о мнé моли́теся Христý Бóгу, да не низведéн бýду по грехóм мои́м, на мéсто мучéния: но да вчини́т мя́, идéже свéт живóтный.

И ны́не, Богорóдичен, глáс тóйже:

Моли́твами Рóждшия Тя́ Христé, и Предтéчи Твоегó, апócтолов, прорóков, иерáрхов, преподóбных, и прáведных, и всéх святы́х, усóпшаго рабá Твоегó упокóй.

Тáже, Трисвятóе. Пресвятáя Трóице: Отче нáш:

Свящéнник: Яко твоé éсть Цáрство:

И поем: Со дýхи прáведных скончáвшихся, дýшу рабá Твоегó Спáсе упокóй, сохраня́я ю́ во блажéнной жи́зни, я́же у Тебé, Человеколю́бче.

В покóищи Твоéм Гóсподи, идéже вси́ святи́и Твои́ упокоевáются, упокóй и дýшу рабá Твоегó, Яко Еди́н еси́ Человеколю́бец.

Слáва: Ты́ еси́ Бог сошéдый во áд, и ýзы оковáнных разреши́вый, Сaм и дýшу рабá Твоегó упокóй.

И ны́не: Еди́на Чи́стая и непорóчная Дéво, Бóга без сéмене Рóждшая, моли́ спасти́ся души́ егó.

Диáкон: Поми́луй нaс Бóже…

Ли́к: Гóсподи поми́луй, три́жды.

Ещé мóлимся о упокоéнии души́ рабá Бóжия новопрестáвленнаго (архи-, прото-) диáкона имярéк, и о éже прости́тися емý вся́кому прегрешéнию, вóльному же и невóльному.

Ли́к: Гóсподи поми́луй, три́жды.

Яко да Госпóдь Бог прии́мет служéние егó и учини́т дýшу егó, идéже прáведнии упокоя́ются.

Ли́к: Гóсподи поми́луй, три́жды.

Ми́лости Бóжия, Цáрства небéснаго и оставлéния грехóв егó, у Христá безсмéртнаго Царя́ и Бóга нáшего прóсим.

Ли́к: Подáй Гóсподи.

Диáкон: Гóсподу помóлимся:

Ли́к: Гóсподи поми́луй.

Свящéнник глагóлет моли́тву сию́:

Бóже духóв, и вся́кия плóти, смeрть попрáвый и диáвола упраздни́вый, и живóт ми́ру Твоемý даровáвый: Сaм Гóсподи, упокóй дýшу рабá Твоегó новопрестáвленнаго (архи-, прото-) диáкона имярéк, в мéсте свéтле, в мéсте злáчне, в мéсте покóйне: отню́дуже отбежé болéзнь, печáль и воздыхáние. Вся́кое согрешéние, содéянное и́м слóвом, или́ дéлом, или́ помышлéнием, я́ко Блáгий Человеколю́бец Бог прости́, я́ко нéсть человéк, и́же жи́в бýдет, и не согреши́т: Ты́ бо Еди́н кромé грехá, прáвда Твоя́ прáвда во вéки, и слóво Твоé и́стина.

Возглáс: Яко Ты́ еси́ Воскресéние и Живóт, и Покóй рабá Твоегó новопрестáвленнаго (архи-, прото-) диáкона имярéк, Христé Бóже нaш, и Тебé слáву возсылáем, со безначáльным Твои́м Отцéм, и с пресвяты́м, и благи́м, и животворя́щим Твои́м Дýхом, ны́не и при́сно, и во вéки векóв.

Ли́к: Ами́нь.

Премýдрость. Пресвятáя…

Честнéйшую..

По возглaсе же, Слáва, и ны́не:

И отпýст: Воскресы́й и́з мéртвых, живы́ми и мéртвыми обладáяй, Христóс и́стинный Бог нáш, моли́твами Пречи́стыя Своея́ Мáтере, святы́х слáвных и всехвáльных апócтол, преподóбных и Богонóсных отéц нáших, и всéх святы́х, дýшу от нaс престáвльшагося рабá своегó, имярéк, в селéниих прáведных учини́т, в нéдрех Авраáма упокóит, и с прáведными сопричтéт, и нaс поми́лует, яко Блáг и Человеколю́бец. Ами́нь.

После отпуста диакон возглашает: Во блаженном успении вечный покой, подаждь, Господи собрату нашему новопреставленному (архи-, прото-) диакону, имярек и сотвори ему вечную память.

И хор поет: Вечная память Трижды.

Затем начинают петь ирмосы великаго канона «Помощник и Покровитель» и выходят к месту погребения, при этом совершая крестный ход без остановок вокруг храма.

Прийдя к могиле, покрывают усопшего пеленою и первенствующий священнослужитель сыплет на тело умершего землю со словами:

Гóсподня земля́, и и́сполнeние ея́ вселéнная, и вси́ живyщии на нeй.

Затем возливают освященный елей и закрывают гроб, после чего завершается погребение.

По завершении погребения совершается краткая лития:

Со дýхи прáведных скончáвшихся, дýшу рабá Твоегó Спáсе упокóй, сохраня́я ю́ во блажéнной жи́зни, я́же у Тебé, Человеколю́бче.

В покóищи Твоéм Гóсподи, идéже вси́ святи́и Твои́ упокоевáются, упокóй и дýшу рабá Твоегó, Яко Еди́н еси́ Человеколю́бец.

Слáва: Ты́ еси́ Бог сошéдый во áд, и ýзы оковáнных разреши́вый, Сaм и дýшу рабá Твоегó упокóй.

И ны́не: Еди́на Чи́стая и непорóчная Дéво, Бóга без сéмене Рóждшая, моли́ спасти́ся души́ егó.

Диaкон: Пaки и пaки ми́ром Гóсподу помóлимся.

Ли́к: Гóсподи поми́луй.

Ещé мóлимся о упокоéнии души́ рабá Бóжия новопрестáвленнаго (архи-, прото-) диáкона имярéк, и о éже прости́тися емý вся́кому прегрешéнию, вóльному же и невóльному.

Ли́к: Гóсподи поми́луй.

Яко да Госпóдь Бог прии́мет служéние егó и учини́т дýшу егó, идéже прáведнии упокоя́ются.

Ли́к: Гóсподи поми́луй.

Ми́лости Бóжия, Цáрства небéснаго и оставлéния грехóв егó, у Христá безсмéртнаго Царя́ и Бóга нáшего прóсим.

Ли́к: Подáй Гóсподи.

Диáкон: Гóсподу помóлимся:

Ли́к: Гóсподи поми́луй.

Свящéнник глагóлет моли́тву сию́:

Бóже духóв, и вся́кия плóти, смeрть попрáвый и диáвола упраздни́вый, и живóт ми́ру Твоемý даровáвый: Сaм Гóсподи, упокóй дýшу рабá Твоегó новопрестáвленнаго (архи-, прото-) диáкона имярéк, в мéсте свéтле, в мéсте злáчне, в мéсте покóйне: отню́дуже отбежé болéзнь, печáль и воздыхáние. Вся́кое согрешéние, содéянное и́м слóвом, или́ дéлом, или́ помышлéнием, я́ко Блáгий Человеколю́бец Бог прости́, я́ко нéсть человéк, и́же жи́в бýдет, и не согреши́т: Ты́ бо Еди́н кромé грехá, прáвда Твоя́ прáвда во вéки, и слóво Твоé и́стина.

Возглáс: Яко Ты́ еси́ Воскресéние и Живóт, и Покóй рабá Твоегó новопрестáвленнаго (архи-, прото-) диáкона имярéк, Христé Бóже нaш, и Тебé слáву возсылáем, со безначáльным Твои́м Отцéм, и с пресвяты́м, и благи́м, и животворя́щим Твои́м Дýхом, ны́не и при́сно, и во вéки векóв.

Ли́к: Ами́нь.

По возглaсе же, Слaва, и ны́не:

И отпyст: Воскресы́й и́з мeртвых, живы́ми и мéртвыми обладáяй, Христóс и́стинный Бог нaш, моли́твами Пречи́стыя Своея́ Мáтере, святы́х слáвных и всехвáльных апóстол, преподóбных и Богонóсных отéц нáших, и всéх святы́х, дýшу от нaс новопрестáвленнаго рабá Своегó, (архи-, прото-) диáкона имярéк, в селéниих прáведных учини́т, в нéдрех Авраáма упокóит, и с прáведными сопричтéт, и нaс поми́лует, яко Блáг и Человеколю́бец.