Молитви втіхи для жінок у випадку втраченої вагітності

Затверджено для богослужбового використання
на засіданні Священного Синоду УПЦ
12 травня 2022 року

ЧТОМАЯ В ПРИТВОРЕ МОЛИТВА ЖЕНЕ,
ЕЯ́ЖЕ ЧА́ДО ВО УТРО́БЕ У́МРЕ ИЛИ МЕ́РТВО РОДИ́СЯ

(данную молитву читает священник в случае невольной потери ребёнка:

выкидыша, замирания беременности, рождения мертвого младенца.
Абсолютно недопустимо читать указанную молитву в случае

совершения женщиной аборта — греха детоубийства)

Го́споди Бо́же Вседержи́телю, утеше́ния ще́дрый Да́телю, благоду́шия Исто́чниче, в плоть оболки́йся Свое́ю во́лею, и от Присноде́вы Мари́и роди́тися и в я́слех возлещи́ изво́ливый. Посети́ ны́не, Влады́ко, рабу́ Твою́ сию́ (имяре́к), ея́же ча́до во утро́бе у́мре (или: я́же нево́льне ча́до ме́ртво роди́), и свободи́ жену́ сию́ от вся́кия боле́зни, тяготы́ уны́ния, помысло́в смяте́ния и ро́пота, уте́ши ма́тернюю скорбь ея́ и возста́ви стра́ждущую, пременя́я не́мощь ея́ во благомо́щие всеси́льным сло́вом Твои́м.
Ей, Бо́же наш, Его́же ми́лость безме́рна и человеколю́бие неизрече́нно; при́зри на рабу Твою (имяре́к), и уще́дри моля́щуюся Тебе, умудря́я прияти во́лю Твою́, благую и совершенную.
Прости́, Человеколю́бче, вся́кое согреше́ние ея́ во́льное и нево́льное и сохрани́ от вся́каго зла и прило́га вра́жия, печа́ли утоли, от боле́зней изба́ви и сподо́би па́ки да́ра чадоро́дия, да́руя ра́дость о ча́дех во вре́мя, я́же Сам предуста́вил еси́, да благодаряще Тя о такове́й ми́лости, просла́вляет Пресвято́е и Великоле́пое имя Твое́, Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.


МОЛИТВА ЖЕНЕ, ЕЯ́ЖЕ ЧА́ДО
ВО УТРО́БЕ У́МРЕ ИЛИ МЕ́РТВО РОДИ́СЯ,
ЧТОМАЯ ОСОБНЕ
(данную молитву в домашних условиях (келейно) по благословению священника читает женщина-матерь в случае невольной потери ребёнка: выкидыша, замирания беременности, рождения мертвого младенца. Указанный текст касается женщин,не имеющих умышленной вины детоубийства)

Го́споди Бо́же Вседержи́телю, ми́лости Исто́чниче и утеше́ния ще́дрый Да́телю, Еву прама́терь о уме́ртвии сы́на ея́ Авеля пла́чущу уте́шивый и Си́фа я́ко ча́до ра́дости ей пода́вый, Дави́ду и Вирсави́и, о поги́бели сы́на скорбящим, всему́драго Соломо́на я́ко плод покая́ния и моли́тв дарова́вый, Иоаки́ма и Анну от поноше́ния безча́дства зача́тием и рождество́м Преблагослове́нныя Влады́чицы Богоро́дицы всечу́дно изба́вивый! Приими́ ны́не моле́ние мое́, в печа́ли и тесноте́ серде́чней возноси́мое. Умилосе́рдися Го́споди, о мне, гре́шней, скорбь бо и боле́знь обдержа́т мя, сего́ ра́ди И́мя Твое́ призыва́ю, я́ко не и́мам от челове́к утеше́ния, ниже́ по́мощи, но Твоего́ милосе́рдия ча́ю. Поми́луй, Го́споди, мя́ и ча́до мое́, е́же безвре́менне смерть прия́т, не лиши́ его́, Бо́же, ве́чных Твои́х бла́г, омы́й его́ в мо́ре милосе́рдия Твоего́ и даждь ми всем се́рдцем, душе́ю и мы́слию, преда́ться во́ле Твое́й, всеблаго́й и всесоверше́нней, да не похи́тит лука́вый ду́шу мою́, ниже́ разжже́т те́мный огнь отча́яния в се́рдце мое́м. Ве́рую, я́ко Тебе́ вся́ возмо́жна суть, на Тя́ упова́ю и всеце́ло предаю́ себе́ милосе́рдию Твоему́, я́ко благослове́н еси́ во ве́ки веко́в. Ами́нь.

Залишити коментар

Ваша e-mail адреса не оприлюднюватиметься. Обов’язкові поля позначені *