Егоже краеграсие:
ВЕРУ ЛЮДЯМ ПРАВУ СОХРАНИ, ДЕВО.
Кондак 1
Всесвятую Владычицу Богородицу Царицу Небесную, горних чинов Славнейшую по благодати, сияние веры православныя, восхвалим радостно взывающе: Радуйся, Похвало Дубенская, верным Утешение.
Икос 1
Еже радуйся Ангелом приимшая, Сию Рождеством Твоим, Пречистая Дево, миру давшая, заступи, спаси и сохрани люди православныя, Тя величающия званиями сими:
Радуйся, Милости мира Явление,
Радуйся, рода христианского спасение,
Радуйся, ослепленных прозрение,
Радуйся, немощным дающая исцеление,
Радуйся, смиренных благословение,
Радуйся, Дево, Чистоты Прозябение,
Радуйся, Богородице, уныния Потребление,
Радуйся, скорби избавление,
Радуйся, Похвало Дубенская, верным Утешение.
Кондак 2
Радость велия миру прозябе Тобою, Всеславная Богоотроковице, яко преествественному Рождеству послужила еси, Пречистая, тем же людие во умилении зовут Ти: Аллилуйя.
Икос 2
Умиленно взирая на образ Твой, Приснодево, еже граду Дубно велий дар бысть, молим: веру людем укрепи, упование непреложно даруй, любовию нелицемерною нас украси. Мы же пред иконою Твоею взываем сицевая:
Радуйся, Дево Чистая, уз безплодия Разрешение,
Радуйся, горе сердец Устремление,
Радуйся, радости Приобщение,
Радуйся, грешникам Прощение,
Радуйся, дарующая души Успокоение,
Радуйся, града Дубно Украшение,
Радуйся, православныя веры Утверждение,
Радуйся, кающихся с Богом Примирение,
Радуйся, Похвало Дубенская, верным Утешение.
Кондак 3
Ликование горних сил, на земли сущих радование, Пресвятая Богородице, Утешение верным во образе Твоем Господь яви, темже благодарственно взываем: Аллилуйя.
Икос 3
Юже славят люди православныя, христианского рода Благословение, Деву чистую Богородицу радостне воспоем звании сими:
Радуйся, Невместимого Бога Селение,
Радуйся, христианом православным спасение,
Радуйся, душ к Святости Устремление,
Радуйся, молящихся Умиление,
Радуйся, неверных Уверение,
Радуйся, заблудших к вере православной Обращение,
Радуйся, Истиры миру Явление,
Радуйся, пред Сыном Твоим нам присных Заступление,
Радуйся, Похвало Дубенская, верным Утешение.
Кондак 4
Дубно имать благостыню то Бога: се бо Диадимою града явися образ Твой Святый, Дево Преславная, люди православные о сей Милости взывают Богу: Аллилуйя.
Икос 4
Яко Киот одушевленный явилась миру, яко бисер многоценный и Церкви Украшение, Богомати Всесвятая, се бо Невмистимого Бога вместила во Утробе Твоей, Ним же миру даровася спасение. Тем же вернии радостно взывают Ти:
Радуйся, от Архангела приимшая Божие Откровение,
Радуйся, радостно Приявшая Благовещение,
Радуйся, ветхим давшая Обновление,
Радуйся, Милости Божией Явление,
Радуйся, неверных Вразумление,
Радуйся, ненадеждных Надеяние,
Радуйся, любящих Бога Упоение,
Радуйся, скорби сердечныя Избавление,
Радуйся, Похвало Дубенская, верным Утешение.
Кондак 5
Миру Милости неспосылаеши, Царице Небесная, Чистота Девства Твоего, мост спасения людем бысть, се бо благодарственно зовем о Тебе Богу: Аллилуйя.
Икос 5
Подвигом добрым благочестия подвизався преподобный Иов, красота Святости Почаевския обители, пред образом Твоим Пречистая, слезы в молитвах излива, спасения людем православным испрашивая, славу Сыну Твоему, возносил. Мы же воспоем Ти сладостно взывая:
Радуйся, старца святого Умиление,
Радуйся, мосте человеческаго Спасения,
Радуйся, к покаянию Воззвание,
Радуйся, верных непреложное Упование,
Радуйся, услаждающая сердцам Богооощение,
Радуйся, града Дубно в православии Укрепление,
Радуйся, отступникам от веры Обращение,
Радуйся, грешником с Сыном Твоим Примирение,
Радуйся, Похвало Дубенская, верным Утешение.
Кондак 6
Ревность по Бозе, Пречистая, возгреваеши в сердцах верных, возгреваеши в сердцах верных, яко моления наша бренными усты Ти приносимая слышиши и Христу за люди молишися. Мы же благодарственно поем: Аллилуйя.
Икос 6
Ангелов превыше содела Тя Бог по благодати, Преславная Богомати, но и людей земнородных не оставляеши, Приснодево, материнскою любовию и всем спасение вечного ходатайствуеши. Се бо долу сущии поют Ти:
Радуйся, Любви Неизриченныя Стяжание,
Радуйся, Ненадеждных Упование,
Радуйся, Чистое Богу Моление,
Радуйся, болящих Исцеление,
Радуйся, верных Спасение,
Радуйся, земнородных Умиление,
Радуйся, молящихся Благословение,
Радуйся, благодатию душам Упоение,
Радуйся, Похвало Дубенская, верным Утешение.
Кондак 7
Врачевания недужным благодатно изливаеши притекающим ко святому образу Твоему, Дево Богоизбранная, дождем щедрым. Се бо Милость от Христа приемшии молитвами Твоими, Богомати, Ему зовем о сем: Аллилуйя.
Икос 7
Упование на Тя, Богородице, полагают вернии, Православия еси Украшение, орудие Боговоплощения Тайны. Тобою Приснодево, Истинный Бог наш близок ста, Тебе, яко Мати Свою Неложную человечеством слушает. Мы же воспеваем Славу Твою званиями сими:
Радуйся, скорбящим радости Подание,
Радуйся, недужным Врачевание,
Радуйся, утишающая стенание,
Радуйся, Милости Божия Излияние,
Радуйся, немощи Истощание,
Радуйся, щедрот Благости Дарование,
Радуйся, земли и Славы Божией Воззвание,
Радуйся, Церкви Небесныя Украшение,
Радуйся, Похвало Дубенская, верным Утешение.
Кондак 8
Славою благоверных князей рода Острожских бысть образ Твой Святый, иже во граде Дубно прославил Бог наш и Сын Твой благодатию Своею. Мы же радостно поем Ему: Аллилуйя.
Икос 8
Озаряет светом Христовым икона Твоя Чудотворная, Чистоты Светлосте Богомати, темже слепцы прозревают, сляченные здравие приемлют, немые усты провещевают. Дивящеся Милостям сим люди православнии зовут Ти:
Радуйся, рода Острожских Благословение,
Радуйся, людей православных Увеселение,
Радуйся, слепым Прозрение,
Радуйся, боли Избавление,
Радуйся, земли Дубенская Благолепие,
Радуйся, воли человеческия Измнение,
Радуйся, иноков Умиление,
Радуйся, душ христианских Спасение,
Радуйся, Похвало Дубенская, верным Утешение.
Кондак 9
Христос Бог наш неизреченно близок Тебе, Царице Неба и Земли, яко Мати Истинная Спасителя и Господа явилася, Пречистая, мольбы наша слышиши и Престолу Горнему приносиши, присно слушает Тя Господь. В радосте поем о Тебе Ему: Аллилуйя.
Икос 9
Разрушися клятва древняя, Моисей бытописатель святый прорче о сем: «Семя Жены сотрет главу змия». Сосудом Невместимого Бога явилася еси, Приснодево, се бо образы Твои Славою Божиею озаряют людей молящихся. Пред иконою Твоею Дубенскою во умилении зовем:
Радуйся, Солнца Правды Восхождение,
Радуйся, Дево, Святости Озарение,
Радуйся, Всесвятая, Дарующая Спасение,
Радуйся, змия лукавого попрание,
Радуйся, православным доброе Оправдание,
Радуйся, истово верующим Упование,
Радуйся, мира з Богом Прозябение,
Радуйся, человечества от греха Сыном Твоим Исцеление,
Радуйся, Похвало Дубенская, верным Утешение.
Кондак 10
Ангелов Славу Превосходящая Кротостию и Смирением Своим, тем же лицу Твоему помолятся богатии людие. Мы же. пред образом Твоим Дубенским воспеваем Христу Богу о Тебе: Аллилуйя.
Икос 10
Не имамы иныя Надежды, разве Тебе, Владичице, коленопреклонно просим Тя, Мати Божия, пред иконою Твоею Дубенскою не отъяти Милости Сына Твоего от достояния православного, иже почитает Тя званиями сими:
Радуйся, козней вражиих Отьятие,
Радуйся, Мати Правды, Иже не имать Лицеприятие,
Радуйся, гнева неправедного Охлаждение,
Радуйся, рая на земли Насаждение,
Радуйся, Ангелов и чинов горних Удивление,
Радуйся, праведных сердец Восхваление,
Радуйся, непреложныя радости Осуществление,
Радуйся, людем православным Вспоможение,
Радуйся, Похвало Дубенская, верным Утешение.
Кондак 11
Идеже хочет Бог побеждается естества чин. Се бо сверх природы совершается, Преславная, дела молитвами Твоими. О сем с благодарением зовем Творцу и Промысла Вершителю: Аллилуйя.
Икос 11
Древнее осуждение рода человеческого упразднися Воскресением Сына Твоего Тридневным. Оружие сердце пройде Тебе, Мати Божия, но егда воскресе Христос, душа Твоя Пречистая радости Премирныя исполнися. Ей же быти причастными жаждуще поем Ти:
Радуйся, Божия Славы Сияние,
Радуйся, потребления тоски и отчаяния,
Радуйся, душ христианских Обогащение,
Радуйся, моря житейского укрощающая Волнение,
Радуйся, суетным дающая Умиротворение,
Радуйся, смиренным посылающая Благословение,
Радуйся, Церкви Православней Увеселение,
Радуйся, людям давшая с Богом Примерение,
Радуйся, Похвало Дубенская, верным Утешение.
Кондак 12
Естество наше обновил есть Бог Слово, приемше от Тя, Пречистая Дево, плоть, юже миру Твое смирение дарова. Темже благодарственне зовем о Тебе: Аллилуйя.
Икос 12
Велия радость миру прииде, Всесвятая Богородице, в Рождестве Твоем. От Твоих ложесн Чистых Бог плоть приим. Пред образом Честным, иже во граде Дубно, славим Тя званиями сими:
Радуйся, Дверь Спасения,
Радуйся, людем Обновление,
Радуйся, печальных Увеселение,
Радуйся, мира Украшение,
Радуйся, от ересей отражение,
Радуйся, богомольцев присных Защищение,
Радуйся, веры православныя Утверждение,
Радуйся, в скорби дающая Терпение,
Радуйся, Похвало Дубенская, верным Утешение.
Кондак 13
О всепетая Мати, родшая всех святых Святейшее Слово! Нынешнее приемши приношение, от всякия избави напасти всех, и будущия изми муки о, Тебе вопиющих: Аллилуйя, Аллилуйя, Аллилуйя.
Сей кондак чтем трижды, посем 1-й икос и 1-й кондак.
Молитва
О Всемилостивая Владычице наша, Пресвятая Дево Богородице! Услыши нас предстоящих днесь, пред образом твоим честным, егоже в благословение и заступление граду нашему даровала еси. Утверди веру Православную во стране нашей и во всем мире. Люди же ненавистию, расколами и враждою ослепленных на путь мира и истиннаго богопочитанния направи. В ереси же и лжеучения всякия уклонившихся братий и сестер наших в ограду спасительную Христовой Церкви приведи. Лжеучения же сии во отечествии нашем сущия упраздни и, яко прах пред лицем ветра, развей. Людем православным, образ Твой честный почитающим, в делех благих и начинаниях правых Помощница буди. По исходе же нашем от жития сего тленнаго в Царствие Сына Твоего всех нас приведи, идеже купно с Тобою Пресвятою Материю нашею во Христе Боге нашем и со всеми Святыми прославим Его, со Отцем и Святым Духом присно славимого и поклоняемого, во веки веков. Аминь
Тропарь глас 8
Благословен еси Христе Боже наш, образ бо Матери Своея граду Дубно на заступление даровал еси, предстательством Тоя страну нашу во Православии утверди, лжеучения лукавыя силою Своею потреби и верныя люди Своя во век века возвыси, Человеколюбче, Слава Тебе.
Кондак глас 5
Града Дубно Заступницу усердную, и страны нашея Воеводу Непобидимую песьми днесь воспоим, похвалы достойныя Царице Небесней принесем, пред Пречистым Ея образом со слезами возопоим: Радуйся Богородице Дево, Господь с Тобою.