Акафист святому преподобному Еразму Печерскому, иже в Ближних пещерах почивает
Память святаго творим 24 февраля (9 марта н.ст. в невисокосный год/8 марта н.ст. в високосный год)
Краеграсие неседального пения: ДЕВЕ ХРАМ УКРАСИЛ ЕРАЗМ ЧИННО
Кондак 1
Ду́шу свою́, я́ко це́рковь украша́л еси́ не зла́том и сребро́м веще́ственным, но я́ко чернори́зец смире́нный, любо́вию и вся́кими доброде́тельми и́ноческого зва́ния. Черто́гом кра́сным Спа́су соде́лався благода́тию, удиви́л еси́ бра́тию до́бре. Те́мже тебе́ умиле́нно пое́м похвалы́ глаго́лы:
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Икос 1
Ера́зме преблаже́нне, ко бра́тии и́ноческой сопричте́нный ве́лие насле́дие земно́е от отца́ прия́тое тобо́ю и вся́ име́ния твоя́ си́лою Боже́ственныя любве́, е́юже испо́лнено бы́сть се́рдце твое́, укрепля́емый, на бла́гоукрашение хра́мов оби́тели Ки́ево-Пече́рския да́л еси́ и, блаже́нство ра́йское ра́достию обре́л еси́. Те́мже христиа́не правосла́вныя пою́т ти пе́ния сицева́я:
Ра́дуйся, Го́спода все́м се́рдцем возлюби́вый.
Ра́дуйся, Ца́рствия Небе́снаго взыска́вый.
Ра́дуйся, Го́спода кро́ткий и смире́нный служи́телю.
Ра́дуйся, за́поведей Бо́жиих ре́вностный исполни́телю.
Ра́дуйся, Матероде́ве Преблагослове́нной угоди́вый.
Ра́дуйся, моли́твами Богоро́дицы милосе́рдие Отца́ Небе́снаго получи́вый.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 2
Ви́дя чистоту́ се́рдца твоего́, о́тче Ера́зме, Всеви́дец Госпо́дь испо́лни ду́шу твою́ благода́ти Своея́ и освяти́ ю́ в сосу́д Ду́ха Свята́го, да ви́дящии тя́ восхва́лят Бо́га Вседержи́теля, воспева́я Ему́: Аллилу́йя.
Икос 2
«Еди́но проси́х от Го́спода, то взыщу́: е́же жи́ти ми в дому́ Госпо́дни вся дни живота́ моего́, зре́ти ми красоту́ Госпо́дню и посеща́ти храм святы́й Его́». Глаго́лы сия на скрижа́лях се́рдца твоего́, о́тче Ера́зме, зла́том упова́ния и сребро́м смире́ния напи́саны бы́ша. Сего́ ра́ди ублажа́ем тя́:
Ра́дуйся, я́ко любо́вию к Бо́гу сердца́ на́ша исполня́еши.
Ра́дуйся, я́ко ве́ру кре́пкую и упова́ние на Христа́ явля́еши.
Ра́дуйся, духо́вными дарова́нии обогаще́нный.
Ра́дуйся, нестяжа́нием ди́вно украше́нный.
Ра́дуйся, душе́вныя и теле́сныя неду́ги исцеля́яй.
Ра́дуйся, ко благочести́вому житию́ побужда́яй.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 3
Христа́ ева́нгельския кро́тости пропове́дником бы́л еси́, преподо́бне о́тче Ера́зме, о́бразом жития́ твоего́ все́м показу́я, я́ко вся́ возмо́жна челове́ку о укрепля́ющем Бо́зе, Его́же благода́тию и на́ша сердца́ во и́стинней ве́ре укрепи́ и бу́ди на́м ско́рый помо́щник и те́плый моли́твенник, вопию́щим о тебе́ Бо́гу: Аллилу́йя.
Икос 3
Ра́достию возсия́л еси́ я́ко свети́льник, на све́щнице церко́вней поста́вленный, свя́те Ера́зме, да вси́ ви́дящии мно́гощедрое твое́ се́рдце и моли́твами твои́ми ми́лости явля́емыя, восхва́лят Бо́га, ди́внаго во святы́х Свои́х, тебе́ же воспою́т сицева́я:
Ра́дуйся, доброде́тельнаго жития́ учи́телю.
Ра́дуйся, немощны́х иску́сный укрепи́телю.
Ра́дуйся, во бране́х со страстьми́ помо́щниче.
Ра́дуйся, от неду́гов тя́жких защи́тниче.
Ра́дуйся, щедро́т Бо́жиих ми́лостивый пода́телю.
Ра́дуйся, у Престо́ла Вседержи́теля предста́телю.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 4
А́нгельским житие́м твои́м вся́кое естество́ удиви́л еси́, достоблаже́нне о́тче Ера́зме, ны́не же на небесе́х блаже́нства ра́йскаго наслажда́ешися и воспева́еши Пресвяте́й Тро́ице: Аллилу́йя.
Икос 4
Мирска́го жития́ бу́ря не потопи́ души́ твоея́, Ера́зме, и егда́ искуше́ние на́йде на тя́. По́мысл от лука́ваго твое́ се́рдце уязвля́х в час обнища́ния твоего́. Бра́тия оста́виша тя и приско́рбна душа́ твоя́ да́же до сме́рти бы́ша. Но Христо́с не оста́ви тя, благосе́рдне Ера́зме, утеше́ние ще́дро подая́ ко спасе́нию твоему́. Благогове́ния испо́лненнии лю́дие пою́т ти си́це:
Ра́дуйся, ще́дро ми́лостыню подава́вший.
Ра́дуйся, вся име́ния твоя́ на украше́ние честны́х ико́н отда́вший.
Ра́дуйся, терпе́ние стяжа́вый, от лука́ваго досажда́емый.
Ра́дуйся, Само́ю Цари́цею Небе́сною утеша́емый.
Ра́дуйся, моли́твою вра́жиих стре́л прогони́телю.
Ра́дуйся, смире́нием диа́вольских наве́тов разори́телю.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 5
Уны́ние и нераде́ние, ниже́ отча́яние, ниже́ житие́ безчи́нное не плени́хом тя, Ера́зме, но Пра́ведный и Ще́дрый Бог, помина́я пре́дняя в доброде́тели твое́ жи́тельство, спа́сл еси́ тя, блаже́нне, во е́же взыва́ти ко Христу́ чи́сто: Аллилу́йя.
Икос 5
Ко́зни диа́вол исплета́х, егда́ изве́дал, я́ко до́брое зело́ твое́ се́рдце, преподо́бне Ера́зме. А́ки лев рыка́ющий жа́ждал сей ду́шу твою́ поглоти́ти, внуша́ше ти, я́ко не и́маши по́льзы духо́вныя и никоея́же награ́ды улучи́ти возмо́жеши о име́нии твое́м мно́гом, е́же на благоукраше́ние церко́вное истра́тил еси́ ты, но не ни́щим разда́л еси́. Даропода́тель Бог, прие́мля дары́ твоя́, в селе́ния Жи́зни Ве́чныя ввел тя, о́тче. Сего́ ра́ди взыва́ем ти си́це:
Ра́дуйся, у Престо́ла Вседержи́теля предста́телю.
Ра́дуйся, щедро́т Бо́жиих ми́лостивый пода́телю.
Ра́дуйся, житие́ твое́ благочести́во сконча́вый.
Ра́дуйся, в ра́дость Го́спода твоего́ вше́дый.
Ра́дуйся, ра́йских оби́телей досто́йный обита́телю.
Ра́дуйся, притека́ющих к тебе́ бла́гостный покрови́телю.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 6
Ра́туя о спасе́нии души́ твоея́ широкосе́рдныя Челове́колюбец Христо́с тя́жкую боле́знь попусти́ ти, о́тче Ера́зме, да покая́ние до́бре обре́тше, во ве́ки воспое́ши: Аллилу́йя.
Икос 6
А́нгельского жития́ и́стово иска́вый пре́жде, на одре́ боля́щий возлежи́т нем и слеп бы́вше, е́ле жив су́ще обрета́ется Ера́зм седмери́цею дний. Та́ко бо, спасе́ния все́м хотя́й, Бог устро́и избавле́ние страсте́й, ду́шу мона́ха ятри́вших. Мы же с тре́петом прино́сим сему́ чернори́зцу пе́ние сицево́е:
Ра́дуйся, я́ко вене́ц безсме́ртия от Бо́га прия́вый.
Ра́дуйся, да́же в не́мощи сла́ву Ему́ возда́вый.
Ра́дуйся, благода́тию Бо́жиею укрепле́нный.
Ра́дуйся, боле́знию очище́нный.
Ра́дуйся, теле́сныя неду́ги спаси́тельно претерпе́вый.
Ра́дуйся, тле́нная и вре́менная ми́ра сего́ презре́вый.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 7
Смерть мня́ше твою́ ви́дети, Ера́зме, бра́тия обстоя́ше одр, на не́мже возлежа́л еси́. Сии́ же не ве́дуще, я́ко еще́ воспое́ши мно́гажды в Еди́ному Тро́ице Святе́й Бо́гу: Аллилу́йя.
Икос 7
И́же боле́знию рассла́блен, во осьмы́й день укоре́ние бра́тии, удивле́нныя слы́шал еси́, Ера́зме преди́вне: «Го́ре, го́ре душе́ бра́та сего́, и́бо в ле́ности и во гресе́х житие́ свое́ ижди́х, ны́не же ви́дит не́что и мета́ется, и из те́ла же вы́йти не возмо́жет». Словеса́ сия́ со смире́нием ты прия́л еси́, христолю́бче, и по глаго́лам сим ду́шу свою́ покая́нием убелил еси. Сего́ ра́ди воспева́ем ти си́це:
Ра́дуйся, боле́знию от уны́ния очище́нный.
Ра́дуйся, ра́бе Бо́га Вы́шняго смире́нный.
Ра́дуйся, кро́тостию ми́р души́ своея́ стяжа́вый.
Ра́дуйся, доброде́телию терпе́ния Христа́ облобыза́вый.
Ра́дуйся,му́дре ко спасе́нию стопы́ своя́ напра́вивый.
Ра́дуйся, Бо́га покая́нием и́стовым просла́вивый.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 8
Лежа́ще на одре́, смиренному́дре Ера́зме, с кро́тостию ве́лиею слу́хом внима́л еси́ глаго́лам и́ноков. И благода́тию Бо́жией восста́л еси́ от одра́, к нему́ же не́мощию лю́тою прико́ван бы́л еси́, и я́ко не боля́щ, воссе́л и ре́кл еси́: «Отцы́ и братия! И́стину рече́те. А́з е́смь гре́шен и нераска́ян, но ны́не ми яви́шася преподо́бнии отцы́ на́ша Анто́ний и Феодо́сий, глаго́лаша си́це: «Моли́тву Христу́ о тебе́, Ера́зме мы принесо́ша, и дарова́ ти Госпо́дь наш вре́мя на покая́ние». А́з бо вня́л глаго́лу ста́рцев святы́х, во е́же ду́шу убели́ти пе́нием святы́м: Аллилу́йя».
Икос 8
Ера́зме му́дре, и́же бога́тство свое́ истощи́л еси́ в благоле́пие хра́ма Бо́жия, твои́ми моли́твами хра́мом покажи́ духо́вным се́рдце, и́же пое́т твоя́ по́двиги зва́ниями си́ми:
Ра́дуйся, от чре́ва мáтерня освящéнный.
Ра́дуйся, сосу́де благода́ти благослове́нный.
Ра́дуйся, свя́тостью преиспещре́нный.
Ра́дуйся, ще́дростию наделе́нный.
Ра́дуйся, благоде́телем оби́тели Ки́ево-Пече́рския яви́выйся.
Ра́дуйся, со áнгелы всели́выйся.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 9
Раче́нием твои́м Вели́кая Ла́врская Це́рковь благоукраше́на бысть бога́тно и ико́нами святы́ми возвели́чена Преблагослове́нная Влады́чица Богоро́дица. Те́мже со а́нгелы святы́ми пое́м о тебе́, достоблаже́нне о́тче Ера́зме, Сы́ну Ея́ Боже́ственному: Аллилу́йя.
Икос 9
А́нгельским твои́м житие́м, преподо́бне о́тче Ера́зме, многосве́тлая душа́ твоя́ дости́же Черто́га Ве́чныя Ра́дости, иде́же в Небéсней Сла́ве Царю́ Христу́ предстоя́, не забýди совершáющих ны́не па́мять твою́, обáче моли́ даровáтися грехо́в разреше́нию и причáстию ве́чных бла́г, лю́дем благочести́во пою́щим ти си́це:
Ра́дуйся, оструплéнных душéю и тéлом целителю.
Ра́дуйся, ко и́стинней жи́зни путеводи́телю.
Ра́дуйся, малодýшныя моли́твою утешáяй.
Ра́дуйся, пáдшия воззва́нием возставля́яй.
Ра́дуйся, и́мже преподóбнии украшáются.
Ра́дуйся, и́мже де́латели добра́ укрепля́ются.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 10
Зижди́тель о́бразов сла́вы Госпо́дни на земли́ яви́лся еси́, о́тче преподо́бне, созида́л бо еси́ благоле́пие церко́вное Христу́ Бо́гу уго́дное, лю́дие же сие́ ве́дяще пою́т о тебе́, Ера́зме, сла́вно: Аллилу́йя.
Икос 10
Мно́жество святы́х с Преблагослове́нною Госпоже́ю Богоро́дицею посети́ло есть тя, Ера́зме, в виде́нии, егда́ стражда́л еси́ си́льно от боле́зни лю́тыя. Всесвята́я же Присноде́ва на Ру́це Пречи́стыя подъя́ла Богомладе́нца Христа́,я́коже на ико́не,и Сама́ рекла́ ти гла́сом сла́достным утеше́ния: «Ера́зме, украси́вый церковь Мою, А́з укра́шу тя и возвели́чу сла́вою в Ца́рствии Сы́на Своего́, и́бо ни́щих на коего́ждем ме́сте и́мате, це́рковь же Мою — не всю́ду». Ве́рнии со удивле́нием пою́т ти, о́тче, си́це:
Ра́дуйся, я́ко Христа́ вои́стину возлюби́л еси́.
Ра́дуйся, я́ко ум и се́рдце в моли́тве к Бо́гу утверди́л еси́.
Ра́дуйся, Само́ю Цари́цею Небе́сною утеше́нный.
Ра́дуйся, Бо́жий служи́телю во благáя уготóванный.
Ра́дуйся, тле́нных всех устрани́выйся.
Ра́дуйся, к Ца́рству Небе́сному устреми́выйся.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 11
Чи́стая Присноде́ва рече́ ти, о́тче Ера́зме: «Восста́в, плод досто́ин покая́ния принеси́, и приими́ вели́кий а́нгельский о́браз. И потерпи́ до тре́тего дне, и А́з возьму́ тя к Себе́ возлюби́вшаго До́му Моего́ благосты́ню, да при́сно взыва́еши Творцу́ и Благоукраси́телю ми́ра Бо́гу: Аллилу́йя».
Икос 11
Испове́дал еси́ грехи́ своя́ пред всею бра́тиею, Ера́зме че́стне, не стыдя́шеся, и не сокрыва́ше та́йная се́рдца твоего́. Встав же, шед в храм Бо́жий и по́стриг прия́л еси́ в схи́му вели́кую, по́двиги своя́ моли́твою непреста́нною венча́юще и бде́нием ду́ха. Сего́ ра́ди воспева́ем тя, уго́дниче Госпо́день, зва́ниями си́ми:
Ра́дуйся, сле́зы покая́ния ще́дре изли́вый.
Ра́дуйся, си́ми се́рдце твое́ омы́вый.
Ра́дуйся, ничесо́же от паде́ний утаи́вый.
Ра́дуйся, ум свой до́бре измени́вый.
Ра́дуйся, взор свой сугу́бо горе́ обрати́вый.
Ра́дуйся, си́лою Христо́вою уны́ние победи́вый.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 12
На тре́тий день жития́ схи́мнического по предрече́нию Пресла́вныя Де́вы и Ма́тери Бо́га на́шего, я́ко пти́ца возлете́л еси́ душо́ю в Го́рняя селе́ния, иде́же сла́виши Творца́ и Спаси́теля ми́ра: Аллилу́йя.
Икос 12
Не забу́ди нас, о́тче Ера́зме, егда́ предстои́ши Всевы́шнему Бо́гу, в моли́твах твои́х пла́менных, от ще́дрого се́рдца твоего́ излива́емых, но испроси́ у Царя́ Ца́рствующих и Го́спода Госпо́дствующих бога́тства духо́вного и благополу́чия материа́льного всем тя призыва́ющим в благода́тное вспомоществова́ние. Мы же недосто́йнии воспое́м ти благода́рно:
Ра́дуйся, хра́мы Госпо́дни украша́яй.
Ра́дуйся, усе́рдно Христа́ Бо́га прославля́яй.
Ра́дуйся, немилосе́рдых к милосе́рдию обраща́яй.
Ра́дуйся, оби́льно всех все́ми бла́гами обогаща́яй.
Ра́дуйся, лампа́до Боже́ственнаго сия́ния.
Ра́дуйся, све́точе отгоня́яй мглу отча́яния.
Ра́дуйся, преподо́бне о́тче Ера́зме, всем се́рдцем благоле́пие До́ма Госпо́дня возлюби́вший.
Кондак 13
Одостоблаже́нне о́тче Ера́зме, за украше́ние хра́ма Бо́жия Ма́тере пала́ту красоты́ неизрече́нныя в Небе́сном Ца́рстве от Христа́ стяжа́вый, приими́ сие ма́лое моли́твенное приноше́ние, и сподо́би нас хода́тайством твои́м ко Го́споду в до́бром ума́ исправле́нии и покая́нии сконча́ти житие́ земно́е и предста́ти Престо́лу Вседержи́теля, иде́же, блаже́нне, ты предстои́ши со А́нгелы Бо́жиими и со все́ми святы́ми, пою́ще умиле́нную песнь Бо́гу: Аллилу́йя, Аллилу́йя, Аллилу́йя.
(сей кондак чтем трижды, посем икос 1-й и кондак 1-й)
МОЛИТВА ПРЕПОДОБНОМУ ЕРАЗМУ ПЕЧЕРСКОМУ
Овели́кий Христо́в уго́дниче, оби́тели Ки́ево-Пече́рския сла́вная похвало́, святы́й преподо́бный Ера́зме, душе́ю на небеси́ Престо́лу Госпо́дню предстоя́й! При́зри ми́лостивно на предстоя́щия святе́й ико́не [или ра́це святы́х моще́й твои́х] твое́й лю́ди, умиле́нно моля́щияся и прося́щия от тебе́ по́мощи и заступле́ния. Простри́ моли́твенно ко Го́споду Бо́гу честни́и ру́це твои́ и испроси́ на́м от Него́ оставле́ние согреше́ний на́ших во́льных и нево́льных, уны́ния избавле́ние, отчаяния отгнание, радости духовныя исполнение, в неду́зех стра́ждущим исцеле́ние, напа́ствуемым заступле́ние, скорбя́щим утеше́ние, бе́дствующим ско́рую по́мощь, все́м же чту́щим тя́ ми́рную и христиа́нскую живота́ кончи́ну и до́брый отве́т на Стра́шнем Суде́ Христо́ве. Е́й, свя́тче Бо́жий, не посрами́ упова́ния на́шего, е́же на тя́ по Бо́зе и Богоро́дице возлага́ем, но бу́ди на́м помо́щник и покрови́тель во спасе́ние, да твои́ми моли́твами получи́вше благода́ть и ми́лость от Го́спода, просла́вим человеколю́бие Отца́ и Сы́на и Свята́го Ду́ха, в Тро́ице сла́вимаго и покланя́емаго Бо́га, и твое́ свято́е заступле́ние ны́не и при́сно, и во ве́ки веко́в. Ами́нь.
Тропарь преподобному Еразму Печерскому, в Ближних пещерах, глас 4:
Благоле́пие до́му Госпо́дня любя́,/ расточи́л еси́ неща́дно име́ние твое́ во украше́ние сего́,/ преподо́бне Ера́зме,/ тем ны́не живя́ в дому́ Госпо́дни на Небеси́,// моли́ и нам освяти́тися в жили́ще Госпо́дне.
Кондак преподобному Еразму Печерскому,
в Ближних пещерах, глас 8:
Украси́вый це́рковь Богома́тере/ расточе́нием име́ния ти на сие́ ико́нами, Ера́зме сла́вне,/ себе́ же о том нераска́янием;/ пода́ждь и нам расточе́нием грехо́в свои́х/ и покая́ния лепото́ю украси́вшимся// це́рковию све́тлою Ду́хови Свято́му яви́тися.
ЖИТИЕ ПРЕПОДОБНОГО ЕРАЗМА ПЕЧЕРСКОГО (ок. 1160)
Память 9 марта
Преподобный отец Еразм был черноризец Печерский. Он имел большое отцовское наследие и по любви своей к благолепию Дома Господня истратил все, что имел, на украшение церкви, и оковал в церкви Печерской многие иконы серебром и золотом. Взирая на них, он украшал и свою душу как церковь и образ Живого Бога не серебром и золотом вещественным, но чистотой и любовью и всякими добродетелями иноческого звания.
Но случилось с преподобным искушение. Когда он сильно обнищал и был в пренебрежении у всех, дьявол стал влагать ему в сердце мысль, что он не имеет никакой награды за свое богатство, истраченное на украшение церкви, но лучше было бы истратить ему на милостыню нищим. Он же, не поняв искушения, впал в отчаяние и стал жить нерадиво и совершенно небрежно, бесчинно проводя свои дни. Но Бог Щедрый и Праведный, поминая прежние добродетели блаженного, спас его от погибели таким образом.
Он послал на него тяжкую болезнь, и больной, уже близкий к смерти, лежал немым и слепым семь дней, лишь еле дыша. В восьмой день пришла к нему вся братия и, видя страшную смерть брата, с удивлением говорила: «Горе, горе душе этого брата, что прожил он в лености и в грехах, а теперь видит что-то и метается, и не может выйти из тела». И вот блаженный Еразм, как будто никогда не болел, встал, сел и сказал им: «Отцы и братия, воистину так, как вы говорите: я грешен и не покаялся. Но ныне мне явились преподобные отцы наши Антоний и Феодосий, говоря: «Мы молились о тебе Господу, и даровал тебе Господь время на покаяние». После этого видел я и Пречистую Госпожу Богородицу, как на иконе, с Сыном Ее, Христом Богом нашим на руках, и множество с Ней святых. И она сказала мне: «Еразм, за то, что ты украсил церковь Мою и возвеличил иконами, и Я украшу тебя и возвеличу славой в Царствии Сына Моего, ибо нищих вы имеете на всяком месте, церковь же Мою — не везде. Восстав, покайся и прими великий ангельский образ, в третий же день чистым Я возьму тебя к Себе, возлюбившего благолепие Дома Моего».
Сказав все это братии, блаженный Еразм начал перед всеми, не стыдясь, исповедывать свои грехи. Встав, он пошел в церковь и был пострижен в схиму. На третий же день отошел ко Господу и Матери Его, по Ее предречению.
Мощи святого Еразма покоятся в Ближних пещерах, где карты указывают их с 1638 года.
Отдельно память преподобного Еразма издавна празднуется 9 марта (24 февраля по ст. ст.).