АКАФИСТ МУЧЕНИКУ СЕВАСТИАНУ МЕДИОЛАНСКОМУ(РИМСКОМУ) С ДРУЖИНОЙ ЕГО, ИЖЕ В СОНМЕ ЕЯ ПОСТРАДАВШИИ ЗА ХРИСТА СЛАВНО: НИКОСТРАТ, ЗОЯ, КАСТОРИЙ, ТРАНКВИЛЛИН ПРЕСВИТЕР, ДИАКОНЫ МАРКЕЛЛИН И МАРК, КЛАВДИЙ, СИМФОРИАН, ВИКТОРИН, ТИВУРТИЙ И КАСТУЛ
АКРОСТИХ: ДАМИАНОВА ХВАЛА СЕВАСТИАНУ
Кондак 1
Дивен Бог во святых Своих, Премудростию вся создавый и неисчетное множество чудес явивый, почитания достойна явил есть человека храбра, исполненнаго премудрости, во словесех праведнаго, справедливаго в суде, в совете умнаго, вернаго служителя во службе мнозе, прежде бывшаго стражи царя земнаго начальником, но Царю Царей тайне и яве вернейше ста, многажды помощь христианом подававшему, и ныне не отвращаяй лица своего от отроков Христовых благодатное являяй содействие, емуже песнь похвальную приносим: Радуйся, святый мучениче Севастиане, адаманте сияющий твердою верою христианскою.
Икос 1
Ангельскаго дерзновения исполнился еси, Севастиане, да ангельския крепости испросиши молитвою и словом твоим венцы Славы Божия Царства прияти имущих в темницу заточенных братий Маркеллина и Марка, от подвига не отметатися научив сих, слезы мира сего в сердце не слагая. Научи и нас, достославне, да прославим Христа Бога исполнением заповедий Его непоколеблемым, да поем Ти радостно сицевая:
Радуйся, Христа Спасителя славное проповедание.
Радуйся, языческого нечестия обличение.
Радуйся, узников скованных свобождение.
Ра́дуйся, молитвы имеяй велие дерзновение.
Радуйся, радости о Христе Воскресшем умножение.
Радуйся, верных благодатию осенение.
Радуйся, святый мучениче Севастиане, адаманте сияющий твердою верою христианскою.
Кондак 2
Мирския славы возгнушася сердце твое, святе Севастиане, щедрот ищуще у Христа Жизнодавца и чающе радости вкусити вечныя, воином Его добропобедным ста. Се же поем Богу о тебе похва́льную песнь: Аллилуйя.
Икос 2
Истину Христову возлюбил еси всею душею, мучениче добропобедне, славы горния взыскав, жажду духовную утолити чашею страдания сподобися, Севастиане, воине многославне. Хотящии помощь благодатную от тебе прияти поют песни таковая:
Радуйся, словом дивным укрепление.
Радуйся, подвигу даяй дерзновение.
Радуйся, уны́ния отгнание.
Ра́дуйся, малодушия избавление.
Радуйся, слез уверением восполнение.
Радуйся, молитвою посылаяй трезвение.
Радуйся, святый мучениче Севастиане, адаманте сияющий твердою верою христианскою.
Кондак 3
Апостольския ревности исполнен быв, мучениче Севастиане, иных христиан вдохновляяй словом пламенным подвиг добре совершити, поюще Богу песнь: Аллилуйя.
Икос 3
Нарбон град обогатися рождением твоим, Севастиане, Христову воинству сопричтенному ти, угодниче Божий, почтением о добродетелех многих тобою содеянных от воинов окруженный, многославне, гордыни не дал еси возгнездитися в сердце и во уме твоем. Сего ради вернии поют ти песни похвальная:
Радуйся, Галлии благое прозябение.
Радуйся, в Медиолане приявший знанием украшение.
Радуйся, страха отгнание.
Ра́дуйся, храбрости явление.
Радуйся, упования обновление.
Радуйся, имущий многое долготерпение.
Радуйся, святый мучениче Севастиане, адаманте сияющий твердою верою христианскою.
Кондак 4
Ослабления дати врагу низложенному возбраних Маркеллину и Марку глаголом вдохновенным и силы духа преисполненным, мучениче Севастиане, с ними же купно во Царствии Небеснем поеши выну Богу песнь: Аллилуйя.
Икос 4
Воздвигнути хоругвь подвига призвах, Севастиане, пристрастия земнии низложити приказу́яй, глаголя: «Аще кто не хощет быти служителем жизни вечныя, той убо и сей временный живот погубит туне». Сего ради вернии дивляхуся премудрости слова твоего неспорнаго, поют ти похвалы сицевыя:
Радуйся, словом укрепляяй на страдание.
Радуйся, вдохновения источение.
Радуйся, подаваяй воли изменение.
Ра́дуйся, праведности явление.
Радуйся, благодатное уверение.
Радуйся, отгоняяй сомнение.
Радуйся, святый мучениче Севастиане, адаманте сияющий твердою верою христианскою.
Кондак 5
Ангелов седмица облекоста тя во одежду светлу, Севастиане, лице же твое светом возсия, и тако сияет в Небесных Чертозех, егда поеши Богу песнь: Аллилуйя.
Икос 5
Христос яко Прекрасный Юноша явися ти, рек: «Ты всегда со Мною будеши». Рай мысленный ум твой ста и вечно жительствовати непреложно Спас тебе дар преподнес радости нескончаемыя преисполненный. Мы же о тебе, воине безсмертне Севастиане, благодарно поем похвальныя глаголы:
Радуйся, получивый Господне благословение.
Радуйся, сподобивыйся Богоявления.
Радуйся, приявший Иисусово обетование.
Ра́дуйся, ода́ренный к животу присному воззванием.
Радуйся, души святостию облачение.
Радуйся, преисполненный смирением.
Радуйся, святый мучениче Севастиане, адаманте сияющий твердою верою христианскою.
Кондак 6
Велие чудо сотвори Господь: казнохранителя царского Никострата жены исцеление по шести летех немоты молитвами твоими и осенением знаменем крестным, Севастиане смиренне. О сем же радостно поем Богу: Аллилуйя.
Икос 6
Ангела светла с книгою отверзтою, из нея же глаголы проповеди Севастиан славне читах, видех Зоя святая избавление безсловесия приявшая, припавше ногам святаго воина, Христа прославляюще словом радостным. Мы же ныне похвалу мученику добропобедному совершаем:
Радуйся, немоты избавление.
Радуйся, знамением крестным осенение.
Радуйся, изрядное Христу похваление.
Ра́дуйся, брони правды ношение.
Радуйся, души́ святостию облачение.
Радуйся, моления о Зое святей благодатное приношение.
Радуйся, святый мучениче Севастиане, адаманте сияющий твердою верою христианскою.
Кондак 7
Людие, зряще знамение немоты прекращения Зои боголюбивыя, вероваху во Спасителя мира. Ему же мученицы Севастиан и Зоя пояху: Аллилуйя.
Икос 7
Агнца Божия проповедавше крестити заточенных восхотел еси, Севастиане, споспешника твоего Никострата трудами. В доме его Клавдиевым согласием множество узников увещевал еси и достойны Крещения, обретох сих, призва Поликарпа пресвитера, иже уготовах сих к таинству оглашением, предписуя сим поста течение творити, вечера достигнути:
Радуйся, мучениче со други совершаяй просвещение.
Радуйся, подвизаяй заточенных прияти крещение.
Радуйся, житием твоим ангелам творяй увеселение.
Ра́дуйся, Никострату благое вспоможение.
Радуйся, души́ Клавдия ко Спасу обращение.
Радуйся, с новопросвещенными воинства небесного увеселение.
Радуйся, святый мучениче Севастиане, адаманте сияющий твердою верою христианскою.
Кондак 8
Севастиане, о причтении стаду Христову попечение имуще призвах пресвитера Поликарпа, да оглашение совершивше, научит желающих христианами стати пети Богу: Аллилуйя.
Икос 8
Епарх Хроматий чудесам тобою творимым, Севастиане, веру яше, словом Никострата боголюбиваго утвердися и Клавдиевых сынах Симфориане и Феликсе уве́рися, христианином истовым ста. По сем же народ мног обратися к Вседержителю Богу. Сего ради поем тебе, добропобедне сицевая:
Радуйся, тьмы безбожия озарение.
Радуйся, к вере православней обращение.
Радуйся, недугов многих испросивший у Бога исцеление.
Ра́дуйся, трудами твоими совершаяй просвещение.
Радуйся, тверди церковныя облистание.
Радуйся, Истины Христовой утверждение.
Радуйся, святый мучениче Севастиане, адаманте сияющий твердою верою христианскою.
Кондак 9
Вития многовещанные по достоянию воспети не возмогут страдания ваша многославная, Севастиане с дружиною добропобедною! Паче слов всяких исповедание и кончина Зои святыя за Господа Иисуса бысть: сия невеста Христова, яко отрасль благоуханна висяща дух свой предаде Зиждителю над гнусом и отребием мира смрадного не осквернися, поя Богу: Аллилуйя.
Икос 9
Апостола первоверховнаго гробница обагрися кровию Транквиллина пресвитера и, якоже Зои тело драгоценно, мощи святые сего иерея Божия течение Тибра освятиша. О сих угодниках Господних тобою, Севастиане, ко Христу приведенных, поем ти похвальная:
Радуйся, безбоязненное Христа проповедание.
Радуйся, сеяй истовое исповедание.
Радуйся, мучеников святое дерзновение.
Ра́дуйся, молитвою твоею избавляяй тления.
Радуйся, врачуяй душ грешных струпы и гноения.
Радуйся, страстей одержащих умы избавление.
Радуйся, святый мучениче Севастиане, адаманте сияющий твердою верою христианскою.
Кондак 10
Святии Никострат, Касторий, Клавдий, Викторин и Симфориан яти быша, внегда телеса святых искати сии на брег Тибра изыдоша. Повелению епарха не покоришася сии славнии мужи и идолам жертву скверную не принесоша. Утопление в море за Христа Избавителя от тления прияша, ныне поют Ему на небесех: Аллилуйя.
Икос 10
Торкват лжехристианин Тивуртия сына Хроматия на угли судии неправедному предах. Но Господь сохрани юного христианина неврежденна, жар угольный Тивуртию, яко хлад содевая. Верности даже до смерти телесной от Севастиана наученный, усечение Тивуртий прият мечное, да никакоже от Христа Бога отречется. Сего ради воспоем подвиги наученного и учителя званиями сими:
Радуйся, вере научивый без сомнения.
Радуйся, возбраняяй отречение.
Радуйся, испрошаяй у Бога вспоможение.
Ра́дуйся, трудами твоими совершаяй просвещение.
Радуйся, лика мученическаго украшение.
Радуйся, Истины Христовой утверждение.
Радуйся, святый мучениче Севастиане, адаманте сияющий твердою верою христианскою.
Кондак 11
Истины не отрекошася святии диаконы Маркеллин и Марк, с ними же и сановник Кастул, ихже преда в руки мучителей злый нехристь Торкват о истязаниях разжигаясь: Кастул еще жив погребен бысть в рове жестосердно, диакони же ко пню пригвождении воспели Христу Небесному Царю песнь: Аллилуйя.
Икос 11
Ангельски чисту молитву твористе святии мученицы Маркеллин и Марк ночи тьму бдением освящаста. Наутрие же прободение копиями прияша. Ученицы твои, Севастиане добропобедне, вернии быша. О силе слова твоего дивляшеся, поем ти сице:
Радуйся, молитву творяй со усердием.
Радуйся, движимый благосердием.
Радуйся, исполняяй Христовы веления.
Ра́дуйся, научаяй терпения.
Радуйся, проповедниче спасения.
Радуйся, в добре утверждение.
Радуйся, святый мучениче Севастиане, адаманте сияющий твердою верою христианскою.
Кондак 12
Непоколебим был еси, Севастиан, идеже и понтифекс Диоклитиан злочестивый истязати тя воспылав: вне града к древу повелех тя привязати и стрелами пронзити. Погребсти тя пришедшая в нощи супружница Кастула Ирина обрела тя жива суща и раны твоя обвяза с тобою исцеленным воспела: Аллилуйя.
Икос 12
Удалитися из Рима не восхотел еси Севастиане, но обличение нечестивым императорам воздал по делом их. Казнь лютую на ипподроме приявше, водворился в чертоге Спаса украшенном. Боголюбивой Лукине повелел еси тело твое честное погребсти в каткомбах. О страданиях твоих честных поем тя:
Радуйся, веры православныя сияние.
Радуйся, за Христом присное следование.
Радуйся, на Господа Иисуса возлагаяй упование.
Ра́дуйся, яко житие твое о Христе бысть благовестие.
Радуйся, обличаяй нечестие.
Радуйся, щите ненаветован благочестия.
Радуйся, святый мучениче Севастиане, адаманте сияющий твердою верою христианскою.
Кондак 13
О святый мучениче и верный угодниче Христов, Севастиане, малое сие песнословие от нас приемше, моли Христа Бога нашего, да вселяется и благоухает в сердцах наших святыня православной веры, да умножается в житии нашем елей благих дел, да не угаснут светильники наши в полунощный час сретения Небесного Жениха, и да сподобимся вместе с тобою воспевати Ему в вечном Царствии: Аллилуйя.
(Сей кондак чтем трижды, по сем икос 1 и кондак 1)
Молитва мученику Севастиану
Святый и славный мучениче Христов Севастиане с дружиною твоею многострадальною, скорый помощниче и теплый заступниче с верою притекающих к тебе! Предстоя с дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей, обитель сию и всякую страну христианскую. Исходатайствуй у Царя Царствующих на враги победу и одоление православным христианам, всей державе православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоутробное Владыце нашему Христу Богу зде творяще, сподобимся молитвами твоими и тебе последовавших мучеников: Никострата, Зои, Кастория, Транквиллина пресвитера, диаконов Маркеллина и Марка, Клавдия, Симфориана, Викторина, Тивуртия и Кастула наследовати Царствие Небесное для вечнаго прославления Его со Отцем и Святым Духом. Аминь.